यस्तो छ भोलि संसद्‍मा सभामुखले पेश गर्ने विशेष प्रस्ताव

काठमाडौँ । भोटेकोशी बाढीका कारण करिव एक साताको बिश्रामपछि प्रतिनिधिसभाको बैठक भोलि बस्दै छ ।

Watch On

भदौ १० गते बसेर स्थगित भएको प्रतिनिधिसभाको बैठक भोलि दिउँसो १ बजेका लागि बोलाइएको छ ।

भोलिको बैठकमा सभामुख डोलप्रसाद (डीपी) अर्यालले विशेष प्रस्ताव पेश गर्नेछन् । भोलिकै बैठकमा सबै दलका नेताहरुले पनि बोल्ने छन् ।

संसद् सचिवालयका अनुसार, भोलिको बैठकमा भोटेकोशी बाढीका कारण भएको जनधनको क्षतिप्रति संसदले दुःख व्यक्त गर्ने छ भने बेपत्ताको खोजी, घाइतेको उपचारसहित र प्रभावितको राहत प्रक्रिया तीव्र पार्न सरकारलाई आग्रह गरेको छ । 

यस्तो छ विशेष प्रस्ताव 

‘प्रतिनिधि सभाको यो बैठक, मिति २०८३ साल भदौ १० गते बुधबार भोटेकोशी–त्रिशूली नदीमा आएको बाढीले रसुवाको टिमुरे, स्याफ्रुबेशी, बेत्रावती, नुवाकोटको त्रिशूली बजार र देवीघाटलगायत धादिङ र चितवन जिल्लाका त्रिशूली नदी तटीय क्षेत्रका धेरै सड्ख्यामा स्वदेशी तथा विदेशी नागरिकहरू बेपत्ता हुनुका साथै ठूलो सङ्ख्यामा मृत्यु भएको र व्यापक जनधनको क्षति भएको घटनाप्रति गहिरो दुःख प्रकट गर्दछ। साथै, उक्त घटनाबाट घरबारविहीन भएकाहरूको व्यवस्थापन एवम् घाइतेहरूको शीघ्र स्वास्थ्य लाभको कामना गर्दै दिवङ्गतहरूको आत्माको चीर शान्तिको कामना गर्दछ र शोक सन्तप्त परिवारजनप्रति हार्दिक समवेदना व्यक्त गर्दछ।’