नेताका कुरा

देउवा पक्षले मंसिरमा महाधिवेशन गर्ने, संस्थापनले बोलायो कार्यसम्पादन समिति बैठक

सिधाकुरा

बुधबार, भदौ १७, २०८३

देउवा पक्षले मंसिरमा महाधिवेशन गर्ने, संस्थापनले बोलायो कार्यसम्पादन समिति बैठक

काठमाडौँ । नेपाली कांग्रेसको इतरपक्ष (निवर्तमान सभापति शेरबहादुर देउवा समूह) ले आगामी मंसिरमा छुट्टै १५आँ महाधिवेशन गर्ने कार्यतालिका बनाएको छ ।

Watch On

इतरपक्षको महाधिवेशन तयारी समितिको आज चुनदेवीमा बसेको बैठकमा मंसिर २१ देखि २३ गतेसम्म १५औँ महाधिवेशन गर्ने कार्यतालिका पेश भएको हो ।

पूर्वमहामन्त्री एवम् तयारी समितिका संयोजक डा. शशांक कोइरालाको अध्यक्षतामा बसेको बैठकमा वडा अधिवेशन असोज १५ गते, पालिका अधिवेशन असोज २० गते, प्रदेश सभा रप्रतिनिधि सभा क्षेत्रीय अधिवेशन असोज २३ गते गर्ने प्रस्ताव छ।

त्यस्तै, कात्तिक १५ गते जिल्ला अधिवेशन, प्रदेश अधिवेशन मंसिर ४ गते र केन्द्रीय महाधिवेशन मंसिर २१ देखि २३ गतेसम्म गर्ने प्रस्ताव छ।

विशेष महाधिवेशनबाट निर्वाचित गगन थापा नेतृत्वको नेपाली कांग्रेसले भने यसअघि नै असोज १६ देखि १९ गतेसम्म १५औँ महाधिवेशन गर्ने तालिका सार्वजनिक गरेको थियो ।

यसैबीच, इतर पक्षले छुट्टै महाधिवेशन गर्ने गरी तालिका प्रस्ताव गरेकै दिन संस्थापन पक्षले भने केन्द्रीय कार्यसम्पादन समितिको बैठक आह्वान गरेको छ ।

केन्द्रीय कार्यालयले जारी गरेको विज्ञप्ति अनुसार आगामी शनिबार भदौ २० गते दिउँसो १ बजे बस्ने बैठकको एजेण्डा भोटेकोशी बाढी र पार्टीको १५औँ महाधिवेशन तय गरिएको छ ।

प्रकाशित मिति: बुधबार, भदौ १७, २०८३

प्रतिक्रिया दिनुहोस्