समाज

रास्वपा सांसद श्रीराम र सागरलाई उपनेता पराजुलीको निर्देशन– माननीयज्यूहरू फर्किनुस्

सिधाकुरा

बिहीबार, भदौ १८, २०८३

रास्वपा सांसद श्रीराम र सागरलाई उपनेता पराजुलीको निर्देशन– माननीयज्यूहरू फर्किनुस्

काठमाडौँ । रास्वपा सांसदद्वय श्रीराम न्यौपाने र सागर ढकालले जलविद्युत आयोजनाको सुरुङमा जारी उद्धार कार्यमा हस्तक्षेप गरेको भन्दै आलोचना बढेपछि संसदीय दलका उपनेता गणेश पराजुलीले फर्किन निर्देशन दिएका छन् ।

Watch On

त्रिशूली थ्री ए का इन्जिनियरहरुले सांसदद्वय न्यौपाने र ढकालका कारण उद्धारकार्य प्रभावित भएको भन्दै उनीहरुलाई तत्काल फिर्ता बोलाउन पत्रमार्फत प्रधानमन्त्री बालेन शाह र ऊर्जामन्त्री बिराजभक्त श्रेष्ठसँग आग्रह गरेका थिए ।

आज बसेको रास्वपा सचिवालय बैठकपछि सञ्चारकर्मीहरुसँग कुरा गर्दै संसदीय दलका उपनेता पराजुलीले यसअघि नै रास्वपाले प्रभावित क्षेत्रमा गएका पार्टीका नेताहरुलाई उद्धारमै समस्या छ भने फिर्ता गराउने निर्णय गरेको जानकारी दिए ।

प्रभावित क्षेत्रमा रहेका न्यौपाने र ढकाल दुवै इन्जिनियर हुन् ।

‘एक जना टनेलसँग सम्बन्धित इन्जिनियर र अर्को आर्किटेक्ट इन्जिनियर हुनुहुन्छ, उहाँहरुले उद्धारमा समन्वय गरिरहनु भएको छ भन्ने हाम्रो बुझाइ हो’ पराजुलीले भने ‘उहाँहरुका कारण त्यहाँ अप्ठेरो भएको छ भने माननीयज्यूहरु त्यहाँ सहजरुपमा काम गर्न दिन र आफ्नो जिम्मेवारीमा फर्किन उपनेताको हैसियतले यहीँबाट निर्देशन जारी गर्छु ।’

प्रकाशित मिति: बिहीबार, भदौ १८, २०८३

प्रतिक्रिया दिनुहोस्