समाज

एनपिएल देशको सामूहिक आत्मविश्वास र युवा प्रतिभाको सुन्दर प्रतिविम्ब: पूर्वप्रधानमन्त्री कार्की

सिधाकुरा

सोमबार, कात्तिक ९, २०८३

एनपिएल देशको सामूहिक आत्मविश्वास र युवा प्रतिभाको सुन्दर प्रतिविम्ब: पूर्वप्रधानमन्त्री कार्की

काठमाडौँ । पूर्वप्रधानमन्त्री सुशीला कार्कीले नेपाल प्रिमियर लिग (एनपिएल) ले देशको सामूहिक आत्मविश्वास र युवाको प्रतिभालाई उजागर गरेको बताएकी छिन् ।

Watch On

एनपिएलको तेस्रो संस्करणको पूर्वसन्ध्यामा शुभकामना सन्देश जारी गर्दै पूर्वप्रधानमन्त्री कार्कीले नेपाली क्रिकेटप्रतिको बढ्दो जनउत्साह देशकै गौरव र सम्भावनाको प्रतिविम्ब भएको उल्लेख गरेकी हुन् ।

विगतको सन्दर्भ जोड्दै उनले भनेकी छिन्, 'गत वर्ष म प्रधानमन्त्री छँदा विशिष्ट परिस्थितिबीच दोस्रो संस्करण सफलतापूर्वक सम्पन्न भएको थियो, जसले सुरक्षा सन्देह निवारण गर्न र समाजमा आशा एवं उत्साह जगाउन महत्त्वपूर्ण भूमिका खेलेको थियो ।'

यस वर्षको प्रतियोगिताले नेपाली क्रिकेटलाई अझ नयाँ उचाइमा पुर्‍याउने, नेपालको गौरवलाई विश्वभर फैलाउने र राष्ट्रिय आत्मविश्वासलाई थप बलियो बनाउने विश्वास उनले व्यक्त गरेकी छिन् ।

सम्पूर्ण खेलाडी, आयोजक तथा क्रिकेटप्रेमीहरूलाई शुभकामना व्यक्त गर्दै पूर्वप्रधानमन्त्री कार्कीले 'नेपाल सुरक्षित, सक्षम र सम्भावनायुक्त छ' भन्ने सन्देश समेत दिएकी छिन् ।

प्रकाशित मिति: सोमबार, कात्तिक ९, २०८३

प्रतिक्रिया दिनुहोस्