सांसद राजीव खत्रीको प्रश्न– छिमेकीलाई गाली गरेर राजनीति गर्ने जमाना गए भन्दा कसरी देशविरुद्ध हुन्छ ?

काठमाडौँ । रास्वपा सांसद राजीव खत्रीले ‘छिमेकीलाई लागी गरेर राजनीति गर्ने जमाना जमाना गए भन्दा कसरी देशविरुद्ध हुन्छ ?’ भनेर प्रश्न गरेका छन् । 

Watch On

अर्थमन्त्री डा. स्वर्णिम वाग्लेले भारतीय टेलिभिजन च्यानल एनडीटीभीको कार्यक्रममा व्यक्त गरेको धारणालाई लिएर केही राजनीतिक दलका नेताहरुले आलोचना गरिरहेका बेला सांसद खत्रीले यो प्रतिप्रश्न गरेका हुन् । 

सांसद खत्रीले फेसबुकमा लेखेका छन्– ‘छिमेकीलाई गाली गरेर राजनीति गर्ने जमना गए भन्दा कसरी देशविुरुद्ध हुन्छ ? अनि के भारतलाई गाली गरौं, राष्ट्रियता जोगाऔं भन्नु पर्ने थियो ?’ 

उनले भारतीय विस्तारवाद भन्दै उतैको शरणमा बसेर यता आतंक मच्चाएको इतिहास रहेको पनि उल्लेख गरेका छन् । ‘भारतलाई गाली गरेर राति लैनचौरतिर लसिँदै महाकाली सन्धिको गरेको पनि इतिहास छ, त्यसैले सत्तामा हुँदा भारतको लम्पसार पर्ने र सत्ता बाहिर हुँदा भारतलाई धारेहात लगाउने नक्कली राष्ट्रवाद अब खोटो मोहोर भएकै हो’ उनले लेखेका छन् । 

सांसद खत्रीले राष्ट्रियता स्वाभिमान बन्धक नराखी यो देशले भारतसँग मित्रता चाहन्छ भन्दै थप लेखेका छन्– ‘लिपुलेक–लिम्पियाधुरा र कालापानी बारे प्रश्न उठ्छ, असमान सन्धि पुनरावलोकनको माग हुन्छ, तर सत्ता पाउँदा त्वं शरणं ममः र सत्ता गुम्दा धारेहातको राष्ट्रवाद चल्दैन ।’

झुुठो बोलेर जनतालाई अलमलमा पार्नु आवश्यक नरहेको पनि सांसद खत्रीले स्पष्ट पारेका छन् । उनले विगतमा भारतमा बसेर नेपालमा रक्तपात मच्चाउने र महाकाली सन्धीमा सहस्ताक्षर गर्नेहरु नक्कली राष्ट्रवादी रहेको समेत दाबी गरेका छन् । उनले लेखेका छन्– ‘हिजो भारतमा बसेर नेपालमा रुक्तपात मच्चाउने र महाकाली सन्धिमा हस्ताक्षर गर्नेहरु नक्कली राष्ट्रवादी नै हुन् । जसलाई आज पनि नेपाल एकीकरण र पृथ्वीनारायण शाह मन पर्दैन।’