माइतिघरमा धर्नारत विद्यार्थीलाई भेट्न पुगे शिक्षामन्त्री र शिक्षा समितिका सभापति, धर्ना स्थगित गर्न आग्रह

काठमाडौँ । शैक्षिक सुधारको माग लिएर माइतीघर मण्डलामा एक हप्तादेखि उभिएर धर्नामा रहेका नेपाल समाजवादी विद्यार्थी युनियनका अध्यक्ष नेत्र चापागाईंको स्वास्थ्य अवस्था बुझ्न र संवाद गर्न शिक्षामन्त्री विद्या भट्टराई र शिक्षा समिति सभापति अम्मरबहादुर थापा माइतीघर मण्डला पुगेका छन । शिक्षा समिति सभापति थापाले पुस अन्तिम साता चापागाईँलाई समितिमा बोलाएर उनको मागबारे थप छलफल गरेर समाधान गर्ने बताएका थिए । 

Watch On

भेटमा शिक्षामन्त्री भट्टराईले शिक्षा क्षेत्रको सुधारका लागि नीतिगत कामहरु भइरहेको बताएकी छिन् । शिक्षा क्षेत्रको सुधारका लागि माइतिघरमा धर्नामा बसेका विद्यार्थीहरुमाझ मन्त्री भट्टराईले शिक्षा क्षेत्रको सुधारका लागि ऐन कानून निर्माण देखि बिभिन्न नीतिगत कामहरु भइरहेको बताएकी हुन् । 

उनले तीन तहबीच समन्वयका आधारमा मात्रै शिक्षा सुधार गर्न सकिने धारणा राखिन् । मन्त्रालयले विभिन्न शीर्षकमा स्थानीय तहमा बजेट पठाएपछि पालिकामा शिक्षा कोष र योजना हुन नसक्दा समस्या भएको उनले बताइन् । 

उनले बजेट बनाइसकेपछि आफु मन्त्रालयमा आएकाले आफ्नो भिजन बजेटमा राख्न नसकेकाले आगामी बजेटमा स्पष्ट भिजनसहितको बजेटको व्यवस्था गरिने प्रतिवद्धता जनाइन् । यो बर्ष कार्यान्वयनमा नरहेका कार्यक्रमको बजेट प्रकोपबाट प्रभावित बिद्यालयमा केन्द्रीत गरेको उनले बताइन् । 

त्यस्तै उनले शिक्षा सुधारको माग गर्दै निरन्तर माइतिघरमा धर्ना दिएका नेपाल समाजवादी विद्यार्थी युनियनका अध्यक्ष नेत्र चापागाई लगाएतलाई आन्दोलन स्थगीत गर्न आग्रह समेत गरिन् ।