सबै कुरा

ओभरलोड सवारी साधनले सडक बिगार्याे, भारवहन सीमा कडाइ गर्नुपर्याे : यातायात व्यवसायी

सिधाकुरा

सोमबार, फागुन १९, २०८१

ओभरलोड सवारी साधनले सडक बिगार्याे, भारवहन सीमा कडाइ गर्नुपर्याे : यातायात व्यवसायी

काठमाडौँ । यातायात व्यवसायीहरुले भारवहन सीमा कडाइका साथ कार्यान्वयन गर्न यातायात व्यवस्था विभागको ध्यानाकर्षण गराएको छ ।

Watch On

नेपाल यातायात व्यवसायी राष्ट्रिय महासंघ, ढुवानी व्यवसायी महासंघ, नेपाल यातायात मजदुर संघ, नेपाल यातायात स्वतन्त्र मजदुर संघ र अखिल नेपाल यातायात मजदुर संघले सोमबार विभागमा संयुक्त रुपमा ध्यानाकर्षण पत्र बुझाउदै ओभरलोड सवारी साधनलाई कडाइका साथ जरिवाना तथा कानूनी कारवाही गर्नुपर्ने र भारवहन सीमा कडाइका साथ कार्यान्वयन गर्नुपर्ने जनाएका हुन् ।

भारवहन सीमा कडाइका साथ कार्यान्वयन नहुँदा देशभरका ५५ वटा पुलहरु जोखिमपूर्ण अवस्थामा पुगेको र यसका कारण आवतजावतमा समस्या भएकाले विभागको ध्यानाकर्षण गराइएको नेपाल यातायात व्यवसायी राष्ट्रिय महासंघका महासचिव डेकनाथ गौतमले जानकारी दिए । उनले मालवहाक सवारी दुर्घटना पश्चात हुने क्षतिका लागि राहतकोष स्थापना गर्न समेत माग गरेको बताए ।

त्यस्तै यातायात व्यवसायीहरुले सडक तथा पुलहरुको निरिक्षण र मर्मत गर्नुपर्ने र गृहमन्त्रालयबाट परिपत्र भएको १२ बुँदे दुर्घटना न्यूनिकरण प्रतिवेदन कार्यान्वयन गर्न समेत माग गरेका छन् । उनीहरुले आफ्ना मागका बारेमा १५ दिनभित्र कार्ययोजना नबनाए संघर्षका कार्यक्रम घोषणा गर्ने चेतावनी दिएका छन् ।

प्रकाशित मिति: सोमबार, फागुन १९, २०८१

प्रतिक्रिया दिनुहोस्