सबै कुरा

प्रमुख प्रशासकीय अधिकृत माथिको छानबिनको स्थिति स्पष्ट पार्न महानगरलाई मन्त्रालयको पत्राचार

सिधाकुरा

सोमबार, फागुन १९, २०८१

प्रमुख प्रशासकीय अधिकृत माथिको छानबिनको स्थिति स्पष्ट पार्न महानगरलाई मन्त्रालयको पत्राचार

काठमाडौँ । संघीय मामिला तथा सामान्य प्रशासन मन्त्रालयले काठमाडौँ महानगरपालिकाका प्रमुख प्रशासकीय अधिकृतमाथि भइरहेको छानबिनबारे स्पष्ट खुलाउन भन्दै पत्राचार गरेको छ । महानगरलाई फागुन १५ गते एक पत्र पठाउँदै मन्त्रालयले प्रमुख प्रशासकीय अधिकृत सरोज गुरागाईंमाथि भइरहेको छानबिनको स्थिति स्पष्ट खुलाउन भनेको हो ।

Watch On

‘प्रस्तुत विषयमा तहाँको चलानी नम्बर ४५०, मिति २०८१/०९/२४ गतेको पत्र प्राप्त भई व्यहोरा अवगत भयो। सो सम्बन्धमा तहाँ महानगरपालिकाका प्रमुख प्रशासकीय अधिकृतमाथि भइरहेको छानबिन कार्यको स्थितिबारे स्पष्ट खुलाई पठाइदिनुहुन मिति २०८१/११/१५ को निर्णयानुसार अनुरोध छ,’ पत्रमा भनिएको छ।

काठमाडौँ महानगर पछिल्लो समय प्रमुख प्रशासकीय अधिकृतविहीन भएको छ । महानगरका प्रमुख प्रशासकीय अधिकृत गुराईंमाथि महानगरले पुरानो बसपार्कस्थित काठमाडौँ टावरको नक्सा पासमा अनियमितता गरेको कारबाही गरेको छ। सो कारबाहीपश्चात महानगर प्रमुख प्रशासकीय अधिकृतविहिन भएको हो ।

प्रमुख प्रशासकीय अधिकृत नहुँदा कामकारबाही प्रभावित भएको भन्दै महानगरले कर्मचारी पठाइदिन अनुरोध गर्दै मन्त्रालयलाई पत्र लेखेको थियो । सो पत्रउपर स्पष्ट खुलाएर पठाउन महानगरलाई मन्त्रालयले पत्राचार गरेको हो ।

प्रकाशित मिति: सोमबार, फागुन १९, २०८१

प्रतिक्रिया दिनुहोस्