हाम्राे बदनाम गर्न प्रधानमन्त्रीकै निर्देशनमा आदित्यनाथको फोटो राखेको पाइयोः ज्ञानेन्द्र शाही

काठमाडौँ । राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले पूर्वराजाको स्वागतमा योगि आदित्यनाथको फोटो एमाले नेता विष्णु रिमालले राख्न लगाएको पाइएको आरोप लगाएका छन् । आइतबार पूर्वराजाको स्वागत गर्ने कार्यक्रममा ज्ञानेन्द्र शाहको तस्विरजस्तै भारतका मुख्यमन्त्री योगि आदित्यनाथको फोटो राखेको भन्दै चौतर्फी विरोध भइरहँदा शाहीले सो आरोप लगाएका हुन् । 

नेता शाहीले सो तस्विर आफूहरुले नभई आफूहरुको बदनाम गर्न प्रधानमन्त्री केपी शर्मा ओलीकै निर्देशनमा उनका प्रमुख राजनीतिक सल्लाहकार बिष्णु रिमालले राख्न लगाएको पाइएको बताएका हुन् । उनले लेखेका छन्, ‘हिजो राजाको स्वागतमा भारतका मुख्यमन्त्री योगि आदित्यनाथको फोटो स्वयम् प्रधानमन्त्री केपि ओलि ज्युको निर्देशनमा प्रधानमन्त्री ज्युका प्रमुख राजनीतिक सल्लाहकार विष्णु रिमालले राख्न लगाइएको पाईएको छ ।’, शाहीले फेसबुकमा लेखेका छन् ।

त्यस्तै उनले आफूहरुले नेपालको राष्ट्रिय झण्डासहित राजालाई स्वागत गर्न लाग्दा विरोधीहरुले आफूहरुको कार्यक्रममा असर गर्न त्यस्ता कुकर्म गरेको बताएका छन् । उनले विदेशीको एजेण्डामा र सिद्धान्तमा पार्टी चलाउनेहरुले ठूलो कुरा गरेको देख्दा अचम्म लागेको बताए । ‘नेपाली  राष्ट्रिय झन्डा सहितको स्वागत कार्यक्रमलाई असर पार्नको लागि यस्ता कुकर्म गर्न थालेछन छि छि।’, उनले लेखेका छन्, ‘विदेशीको एजेन्डामा र सिद्धान्तनमा  पार्टी चलाउनेहरुले ठूलो कुरा गरेको देख्दा अचम्म लाग्छ ?’

सांसदसमेत रहेका शाहीले  माक्स ,लेलिन ,माओ कुन देशका हुन ? भन्दै प्रश्न समेत गरेका छन् ।