समाज

रविबारे संसदमा प्रचण्ड, ‘ठाउँ ठाउँ घुमाएर हुर्मत लिइयो, अनुचित ढंगले निलम्बन गरियो’

सिधाकुरा

मंगलबार, फागुन २७, २०८१

रविबारे संसदमा प्रचण्ड, ‘ठाउँ ठाउँ घुमाएर हुर्मत लिइयो, अनुचित ढंगले निलम्बन गरियो’

प्रतिनिधिसभा बैठकमा बोल्दै प्रचण्ड

Watch On

काठमाडौँ । प्रमुख प्रतिपक्षी दलका नेता तथा माओवादी केन्द्रका अध्यक्ष पुष्पकमल दाहाल प्रचण्डले राष्ट्रिय स्वतन्त्र पार्टीका सभापति रवि लामिछानलाई संसदमा अनुचित ढंगले निलम्बन गरिएको बताएका छन् । सोमबार प्रतिनिधिसभा बैठकमा बोल्दै प्रचण्डले रवि लामिछानेमाथि सरकारले गरेको क्रियाकलाप लोकतन्त्र विरोधी कार्य भएको बताएका हुन् ।

प्रचण्डले हिरासतमा नभएको नेतालाई संसदमा आउन दिने प्रचलन रहेको तर संसदले लामिछानेमाथि भने सो विपरित गरेको बताएका हुन् । उनले भने, ‘अर्को प्रतिपक्षी नेतालाई अनुचित ढंगले निलम्बन गरिएको छ र त्यसले लोकतन्त्रप्रतिको जनआस्थामा पारेको प्रभाव आफैँ मुल्याङ्कन गर्नुहोस् । हिरासतमा नभएको नेतालाई संसदमा आउन दिने प्रचलन हामीले पहिला स्थापित गरिसकेका छौँ । सदनभित्रै बहस गराउँदा मात्रै लोकतन्त्र सुदृढ गर्न मद्दत गर्छ, ठाउँ ठाउँ घुमाएर हुर्मत लिने कामले लोकतन्त्रलाई मद्दत गर्दैन ।’

संसदमा बोल्दै पूर्वप्रधानमन्त्री समेत रहेका प्रचण्डले पछिल्लो समय सरकारको खराब क्रियाकलापले राजावादीहरु हौसिएको बताए । सरकारको अविवेक र खराब क्रियाकलापले नै व्यवस्थाप्रति मोहभंग गराइरहेको बताएका छन् ।

प्रकाशित मिति: मंगलबार, फागुन २७, २०८१

प्रतिक्रिया दिनुहोस्