समाज

खेलकुद विकास समिति बागलुङको अध्यक्षमा कृष्ण कँडेल मनोनीत

सिधाकुरा

मंगलबार, वैशाख २३, २०८२

खेलकुद विकास समिति बागलुङको अध्यक्षमा कृष्ण कँडेल मनोनीत

बागलुङ । जिल्ला खेलकुद विकास समिति बागलुङको अध्यक्ष कृष्ण प्रसाद कँडेल मनोनीत भएका छन् । प्रदेश खेलकुद परिषद् गण्डकीले चार वर्षे कार्यकालका लागि कँडेललाई अध्यक्ष नियुक्त गरेको हो ।

Watch On

सितोरियो कतारेका चौथो डान रहेको कँडेलले २ दशक देखि खेलकुदमा क्रियाशील रहेका छन् । पछिल्लो १२ वर्षदेखि बागलुङका ग्रामीण क्षेत्रमा समेत खेलकुद विस्तार र खेलाडी उत्पादनमा सक्रिय रहेका छन् ।

यस्तै जिल्ला खेलकुद विकास समिति बागलुङको कोषाध्यक्षमा योगेश बहादुर भण्डारी मनोनीत भएका छन् । उनी भलिबल खेलसँग सम्बन्धित रहेका छन् ।

प्रदेश खेलकुद विकास ऐन २०७७ तथा प्रदेश खेलकुद विकास नियमावली २०७८ अनुसार आगामी चार वर्षका लागि मनोनीत दुबैलाई देश खेलकुद परिषद्का सदस्य सचिव श्रीधर शर्माले पद तथा गोपनीयताको शपथ गराएका छन् ।

गण्डकी प्रदेशका जिल्ला खेलकुद विकास समितिहरू गत फागुन ९ गते रिक्त भएका थिए ।

शपथ ग्रहणपछि अध्यक्ष कँडेलले ग्रामीण क्षेत्रमा खेलकुद विकास लागि गरेको संघर्षस परिषद्ले मूल्याङ्कन गरेकोमा खुसी व्यक्त गर्दै खेलाडी उत्पादन र खेलकुद पूर्वाधार विकासका लागि समर्पित भएर लाग्ने बताए ।

प्रकाशित मिति: मंगलबार, वैशाख २३, २०८२

प्रतिक्रिया दिनुहोस्