काठमाडौँ । नेपाली कांग्रेसका सांसद रामहरी खतिवडा तथा सचिव सुरजकुमार दुराले कानुन बनाउँदा नै बेइमानी गरेको पुष्टि भएको छ । २ वर्षे कुलिङ पिरियडलाई निस्प्रभावी बनाउने गरी संसदबाटै पास गराउने अवस्थासम्म पुुग्नुमा संसदको राज्य व्यवस्था तथा सूशासन समितिका सभापति रहेका खतिवडा राजनीतिक र नैतिकरुपमा जिम्मेवार भएको संसदीय छानबिन समितिले निष्कर्ष निकालेको छ ।

Watch On

उनी जत्तिकै राज्य व्यवस्थ समितिका सचिव सुरजकुमार दुरा पनि जिम्मेवार भएको समितिको ठहर रहेको छ । अर्थात छलफलमा कुलिङ पिरियड राखेर संसद पठाउँदा भने हटाएर पठाउने बेइमानीमा सांसद खतिवडा र सचिव दुरा दोषी भएको समितिको निष्कर्ष रहेको छ ।

यति मात्रै होइन, उच्च पदस्थ कर्मचारीहरुले समेत जिम्मेवारीपूर्ण काम नगरेको समितिको निष्कर्ष छ । उक्त प्रतिवेदन छानबिन समितिका संयोजक जीवन परियारले मंगलबार प्रतिनिधि सभामा पेश गरेका छन् ।

‘कुलिङ अफ पिरियड’सम्बन्धी छानबिन समितिको प्रतिवेदनमा के छ ? (पूर्ण पाठ सहित)