प्रहरीको 'इन्ट्री' छलेर भाग्न खोज्दा गाडी राप्तीमा खस्योः हामफालेर बाँचेका यात्रु आशुतोष

क्षेत्रनाथ देवकोटा

शनिबार, पुस २८, २०८०

प्रहरीको 'इन्ट्री' छलेर भाग्न खोज्दा गाडी राप्तीमा खस्योः हामफालेर बाँचेका यात्रु आशुतोष

नेपालगञ्ज । नेपालगञ्जका आशुतोष गौतम भे १ ख ३९१२ नम्बरको बसमा बुटवल आउँदै थिए । तर उनी चढेको गाडी काठमाडौँसम्म आउन सकेन । नेपालगञ्जबाट काठमाडौँ लागि कुदेका गाडी राप्ती नदिमा खस्यो ।

Watch On

आशुतोषसँगै यात्रा गरेका १२ यात्रुले घटनास्थलमै ज्यान गुमाए । घाइते २२ यात्रुको उपचार चल्दै छ । आशुतोष सकुशल छन् । उनले गाडीको ढोकाबाट हामफालेर ज्यान जोगाए ।

उनका अनुसार गाडीले प्रहरीको इन्ट्री पोस्टमा इन्ट्री छल्न खोज्दा दुर्घटना भएका हो । आँखै अगाडि गाडी राप्तीमा हेलिएको देखेका आशुतोषसँग सिधाकुराले गरेको संक्षिप्‍त संवाद:
"राति १० बजे लमहीबाट खाना खाएर अघि बढेका थियौँ । भालुबाङ चोकमा आउने बेला प्रहरीकाे चेक पाेइन्टमा इन्ट्री गर्नु पर्ने रहेछ । चालकले हाइड्रोलिक ढोका खोलिदिए, सहचालक झर्न खोज्दै थिए तर चालकले इन्ट्री छलेर जान स्पिड बढाए, सहचालक माथि उक्लिँदै थिए, म ढोका नजिकै परे । गाडी डिभाइडरमा ठोक्की हाल्यो, ढोकामा बल गरेर हाम फाल्दा हामी पुलमा अड्कियौँ, गाडी राप्तीमा खस्यो ।"