सबै कुरा

हिरासतमुक्त भएपछि दुर्गा प्रसाईंले के भने ?

सिधाकुरा

शुक्रबार, पुस ५, २०८१

काठमाडौँ । मेडिकल व्यवसायी दुर्गा प्रसाईं हिरासत मुक्त भएका छन् । सर्वोच्च अदालतको आदेशपछि शुक्रबार साँझ उनी प्रहरीको केन्द्रीय अनुसन्धान ब्यूरो (सीआईबी) को हिरासतबाट छुटेका हुन् ।

Watch On

प्रधानमन्त्री केपी ओलीले कम्बोडियाको टेलिकममा गैरकानुनी लगानी गरेको भन्ने प्रमाण सार्वजनिक गरेको आरोपमा प्रसाईं पक्राउ परेका थिए ।

झण्डै एक महिना हिरासतमा बसेर छुटेका उनले रिहा भए लगत्तै सञ्चारकर्मीहरू सामु आफ्नो आक्रोश पोखे । ‘तस्करहरूसँगको लडाइँबाट दुर्गा भाग्दैन, लडाई जारी छ ।’

नेपालका कम्युनिस्टहरूले बोल्नु पर्ने बोली आफूले बोलेका पनि उनले बताए । आफू छाल आउने बेला अघिको समुन्द्र जस्तै अवस्थामा रहेको प्रसाईंले बताए ।

प्रहरीले हिरासतमा परिवारका सदस्य जस्तो व्यवहार गरेको पनि उनले बताए । मंसिर ३ गते एक पत्रकार सम्मेलन गरेर प्रसाईंले प्रधानमन्त्री विरुद्धको भन्दै प्रमाण सार्वजनिक गरेका थिए । सोको भोलि पल्टै ४ मङ्सिरमा उनलाई सीआइबीले पक्राउ गरेको थियो ।

साइबर अपराधको कसुरमा उनलाई जिल्ला अदालत काठमाडौँले ४० हजार धरौटीमा रिहा गरे पनि उनी आपराधिक लाभ र सङ्गठित अपराध गरेको कसुरमा पुन: पक्राउ परेका थिए ।

दुर्गा प्रसाईंलाई रिहा गर्न सर्वोच्चको आदेश

प्रकाशित मिति: शुक्रबार, पुस ५, २०८१

प्रतिक्रिया दिनुहोस्