उदयपुरमा कल्भर्डमुनि शव फेला

उदयपुर । उदयपुरको उदयपुरगढी गाउँपालिका ७ , मा एकजनाको शव फेला परेको छ । मदनभण्डारी राजमार्ग अन्तर्गत जोगिटोलमा स्थानीय घलेडाँडाका ४३ वर्षिय नगेन्द्र बहादुर घलेको शव सडकको कल्भर्डमुनि फेला परेको हो ।

जिल्ला प्रहरी कार्यालय उदयपुरका प्रहरी नायब उपरीक्षक राजन चापागाईले शव फेला परेको पुष्टि गर्दै  घटनाको अनुसन्धान भईरहेको बताए । “घटनाका विषयमा थप अनुसन्धानका लागि धरानस्थित प्रदेश सङ्घीय प्रहरी कार्यालयबाट तालिमप्राप्त कुकुरसहितको टोली पनि परिचालन गरिएको छ।

प्रहरीका अनुसार हिजोसाँझ नजिकै साथीहरुसँग मादक पदार्थ सेवन गरी घले छुटेका थिए । परिवारले घटना शंकास्पद  रहेको भन्दै शव उठाउन नमानेपछी प्रहरीले अनुसन्धानका लागि कुकुर प्रयोग गरेको हो । स्थानीय होम बहादुर बस्नेतका अनुसार मदनभण्डारी सडक सरसफाई कर्मचारीहरुले सरसफाईका क्रममा सडकमुनी शव देखेर स्थानीयलाई खबर गरेको बताए । शव देखे पछि स्थानियले प्रहरीलाई खबर गरेका थिए। प्रहरीले घटना बारे अनुसन्धान सुरु गरेको भएपनि परिवारका सदस्यहरुले हत्या भएको भन्दै शव उठाउन नमानेपछी प्रहरीले कुकुर मार्फत अनुसन्धान सुरु गरेको थियो। घलेको शव सडकको कल्भर्डमुनी रहेको ढुंगासँगै फेला परेको हो ।

घटनास्थलमा जिल्ला प्रहरी कार्यालय उदयपुरको टोली पुगेर प्रारम्भिक अनुसन्धान थालेको छ। अहिले शवलाई जिल्ला अस्पतालमा पोस्टमार्टमको लागि राखिएको डिएसपी राजन चापागाईंले जानकारी दिए।