नेभिगेशन
समाज

श्रमिक ठगी प्रकरणमा दुई पूर्वमन्त्री नै पक्राउ, केपी शर्मा ओली र शेरबहादुर देउवा नेतृत्वको सरकारमा थिए मन्त्री

काठमाडौँ । मलेसिया जाने नेपाली श्रमिकमाथि ठगी गरी संकलन गरिएको रकम गैरकानुनी रूपमा विदेश पठाउने निर्णयमा संलग्न रहेको आरोपमा दुई पूर्वश्रममन्त्री पक्राउ परेका छन्।

Watch On

Facebook Tiktok Youtube Instagram Twitter

नेपाल प्रहरीको केन्द्रीय अनुसन्धान ब्युरो (सीआईबी) ले पूर्वश्रममन्त्रीद्वय शेरबहादुर कुँवर र रामेश्वर राय यादवलाई बुधबार पक्राउ गरेको हो।

Marvel
Extreme Energy

पक्राउ पर्नेमा उनीहरूसँगै श्रम, रोजगार तथा सामाजिक सुरक्षा मन्त्रालयका तत्कालीन सचिव विनोद केसी, रोजगार व्यवस्थापन महाशाखाका तत्कालीन प्रमुख उमेश ढुंगाना र राजीव पोखरेल तथा तत्कालीन कानुन अधिकृत निर्मला गुरुङ पनि छन्।

प्रहरीले उनीहरूमाथि ठगीसम्बन्धी कसुर र संगठित अपराध निवारण ऐनअन्तर्गत अनुसन्धान अघि बढाएको छ। नेपाल र मलेसिया सरकारबीच भएको श्रम सम्झौताविपरीत गैरकानुनी रूपमा संकलन गरिएको रकम मलेसिया पठाउने निर्णयमा उनीहरूको संलग्नता रहेको प्रहरीको आरोप छ।

यस प्रकरणमा ८३ लाख ७० हजार ४३९ अमेरिकी डलर र ३७ लाख १७ हजार ९८० पाउन्ड गरी कुल १ अर्ब ६९ करोड २ लाख २४ हजार रुपैयाँभन्दा बढी अपचलन भएको प्रहरीको दाबी छ।

पक्राउ परेका दुवै पूर्वमन्त्रीले केपी शर्मा ओली र शेरबहादुर देउवा नेतृत्वको सरकारमा श्रम, रोजगार तथा सामाजिक सुरक्षामन्त्रीका रूपमा काम गरेका थिए।

रामेश्वर राय यादव : १ वर्ष १ महिना ५ दिन

यादव २०७६ कात्तिक ४ गते (२० नोभेम्बर २०१९) श्रममन्त्री नियुक्त भएका थिए। उनले २०७७ पुस १० गते (२५ डिसेम्बर २०२०) सम्म जिम्मेवारी सम्हाले। उनी केपी शर्मा ओली नेतृत्वको सरकारमा मन्त्री भएका थिए।

तत्कालीन वाम गठबन्धनबाट चुनाव जितेका उनी नेकपामा थिए। तर टिकट नपाएपछि गत निर्वाचनमा जनता समाजवादी पार्टी प्रवेश गरेका थिए।

शेरबहादुर कुँवर : करिब ६ महिना मन्त्री

कुँवर २०७९ असार १२ गते (२७ जुन २०२२) श्रममन्त्री नियुक्त भएका थिए। उनले २०७९ पुस ११ गते (२६ डिसेम्बर २०२२) सम्म जिम्मेवारी सम्हाले। उनी शेरबहादुर देउवा नेतृत्वको सरकारमा नेकपा एकीकृत समाजवादीका तर्फबाट मन्त्री बनेका थिए।

प्रहरीको दाबीअनुसार नेपाल र मलेसियाबीच भएको श्रम सम्झौताको मर्म र व्यवस्थाविपरीत नेपाली श्रमिकबाट गैरकानुनी रूपमा रकम संकलन गरिएको थियो। त्यसरी संकलित रकम मलेसिया पठाउने निर्णय प्रक्रियामा संलग्न रहेको आरोपमा उनीहरू पक्राउ परेका हुन्।

सीआईबीले प्रधानमन्त्री तथा मन्त्रिपरिषद्को कार्यालयको पत्र र विकास रानाभाटसहितको जाहेरीका आधारमा अनुसन्धान अघि बढाएको जनाएको छ।

काठमाडौँ जिल्ला अदालतबाट मंसिर २ गते पक्राउ अनुमति लिएर काठमाडौं, ललितपुर र सर्लाहीका विभिन्न स्थानबाट उनीहरूलाई पक्राउ गरिएको हो। पक्राउ परेका सबैमाथि थप अनुसन्धान भइरहेको प्रहरीले जनाएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
पशुपति गौशाला धर्मशालाको जग्गामा मारवाडी सेवा समितिको मोही हक नलाग्ने सर्वोच्चको ठहर

पशुपति गौशाला धर्मशालाको जग्गामा मारवाडी सेवा समितिको मोही हक नलाग्ने सर्वोच्चको ठहर

सर्वोच्चले उच्च अदालत पाटनको २०८३ वैशाख २१ गतेको फैसलामा न्याय प्रशासन ऐन, २०७३ को दफा १२ को उपदफा १ को खण्ड (क) र (ख) बमोजिम मुद्दा दोहोर्‍याएर हेर्नुपर्ने...
ठगी तथा संगठित अपराधसम्बन्धी कसुरमा २ पूर्वमन्त्री र ४ कर्मचारी पक्राउ

ठगी तथा संगठित अपराधसम्बन्धी कसुरमा २ पूर्वमन्त्री र ४ कर्मचारी पक्राउ

प्रधानमन्त्री तथा मन्त्रिपरिषद्को कार्यालय र विकास गनाभाट समेतको जाहेरीका आधारमा वादी नेपाल सरकार प्रतिवादी कैलाश खड्का समेत भएको ठगीसम्बन्धी कसुर तथा संगठित अपराध निवारण ऐन, २०७० अन्तर्गतको मुद्दामा...
जलवायु सङ्कटले हिमाली क्षेत्रको अस्तित्वमै चुनौती थपेको छ : मन्त्री चौधरी

जलवायु सङ्कटले हिमाली क्षेत्रको अस्तित्वमै चुनौती थपेको छ : मन्त्री चौधरी

कृषि, वन तथा पर्यावरणमन्त्री गीता चौधरीले जलवायु परिवर्तनका कारण हिमाली क्षेत्रमा देखिएका सङ्कटले नेपालसहित विश्वका पर्वतीय समुदायको जीवन र जीविकोपार्जनमा गम्भीर असर पारिरहेको बताएकी छन्।
एमालेमा पार्टी शुद्धीकरणको बहस : नेता–कार्यकर्ताको यौन आचरणमाथि पनि छानबिन गर्नुपर्ने प्रस्ताव

एमालेमा पार्टी शुद्धीकरणको बहस : नेता–कार्यकर्ताको यौन आचरणमाथि पनि छानबिन गर्नुपर्ने प्रस्ताव

नेकपा एमालेका महासचिव शंकर पोखरेलले पार्टीका नेता तथा कार्यकर्ताको जीवनशैली र नैतिक आचरणमा गम्भीर विचलन देखिन थालेको भन्दै पार्टी शुद्धीकरण अभियान चलाउनुपर्ने प्रस्ताव गरेका छन्।

भर्खरै