नेभिगेशन
समाज

ठगी तथा संगठित अपराधसम्बन्धी कसुरमा २ पूर्वमन्त्री र ४ कर्मचारी पक्राउ

काठमाडौँ । वैदेशिक रोजगारी तथा संगठित अपराधसम्बन्धी कसुरमा संलग्न रहेको आरोपमा प्रहरीले २ पूर्वमन्त्री सहित ६ जनालाई पक्राउ गरेको छ । नेपाल प्रहरीको केन्द्रीय अनुसन्धान ब्युरो (सीआईबी) ले वैदेशिक रोजगारीका नाममा ठगी तथा संगठित अपराधमा संलग्न व्यक्तिहरूलाई पक्राउ गरेको हो ।

Watch On

Facebook Tiktok Youtube Instagram Twitter

प्रधानमन्त्री तथा मन्त्रिपरिषद्को कार्यालय र विकास गनाभाट समेतको जाहेरीका आधारमा वादी नेपाल सरकार प्रतिवादी कैलाश खड्का समेत भएको ठगीसम्बन्धी कसुर तथा संगठित अपराध निवारण ऐन, २०७० अन्तर्गतको मुद्दामा अनुसन्धानका क्रममा उनीहरू पक्राउ परेका हुन् ।

Marvel
Extreme Energy

प्रहरीका अनुसार नेपाल सरकार र नेपाल सरकारबीच भएको समझदारीपत्र विपरीत गैरकानुनी रूपमा रकम संकलन गरी ठगी गरिएको थियो । यसरी संकलन गरिएको रकम १ अर्ब ६१ करोड २ लाख २५ हजार ९६ रुपैयाँ रहेको प्रहरीले जनाएको छ ।

सम्झौताका दायरा र कानुनी प्रक्रियाविपरीत अधिकार क्षेत्र नाघेर विदेशी मुद्रा अपचलन गराई देशको अर्थतन्त्र प्रतिकूल हुने निर्णय गरी संगठित समूहको लाभका लागि जिम्मेवारी र कर्तव्यविपरीत काम गरेको अनुसन्धानबाट खुलेको प्रहरीले जनाएको छ ।

मलेसिया पठाउने भन्दै रकम संकलन गरेर ठगी गर्ने कार्यमा संलग्न व्यक्तिहरूलाई पक्राउ गरी अनुसन्धान गर्न काठमाडौँ जिल्ला अदालतबाट अनुमति लिएर प्रहरीले उनीहरूलाई पक्राउ गरेको हो ।

तत्कालीन श्रम, रोजगार तथा सामाजिक सुरक्षा मन्त्री शेरबहादुर कुँवर, तत्कालीन श्रम, रोजगार तथा सामाजिक सुरक्षा मन्त्री रामेश्वर राय यादव, तत्कालीन श्रम, रोजगार तथा सामाजिक सुरक्षा मन्त्रालयका सचिव विनोद के.सी., तत्कालीन श्रम, रोजगार तथा सामाजिक सुरक्षा मन्त्रालयका रोजगार व्यवस्थापन महाशाखा प्रमुख (सहसचिव) उमेश ढुंगाना, तत्कालीन रोजगार व्यवस्थापन महाशाखा प्रमुख (सहसचिव) राजीव पोखरेल र तत्कालीन रोजगार व्यवस्थापन महाशाखाका कानुन अधिकृत (उपसचिव) निर्मला गुरुङ रहेका छन् । 

प्रहरीले उनीहरूलाई पक्राउ गरी थप अनुसन्धान अघि बढाएको जनाएको छ ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
पशुपति गौशाला धर्मशालाको जग्गामा मारवाडी सेवा समितिको मोही हक नलाग्ने सर्वोच्चको ठहर

पशुपति गौशाला धर्मशालाको जग्गामा मारवाडी सेवा समितिको मोही हक नलाग्ने सर्वोच्चको ठहर

सर्वोच्चले उच्च अदालत पाटनको २०८३ वैशाख २१ गतेको फैसलामा न्याय प्रशासन ऐन, २०७३ को दफा १२ को उपदफा १ को खण्ड (क) र (ख) बमोजिम मुद्दा दोहोर्‍याएर हेर्नुपर्ने...
जलवायु सङ्कटले हिमाली क्षेत्रको अस्तित्वमै चुनौती थपेको छ : मन्त्री चौधरी

जलवायु सङ्कटले हिमाली क्षेत्रको अस्तित्वमै चुनौती थपेको छ : मन्त्री चौधरी

कृषि, वन तथा पर्यावरणमन्त्री गीता चौधरीले जलवायु परिवर्तनका कारण हिमाली क्षेत्रमा देखिएका सङ्कटले नेपालसहित विश्वका पर्वतीय समुदायको जीवन र जीविकोपार्जनमा गम्भीर असर पारिरहेको बताएकी छन्।
एमालेमा पार्टी शुद्धीकरणको बहस : नेता–कार्यकर्ताको यौन आचरणमाथि पनि छानबिन गर्नुपर्ने प्रस्ताव

एमालेमा पार्टी शुद्धीकरणको बहस : नेता–कार्यकर्ताको यौन आचरणमाथि पनि छानबिन गर्नुपर्ने प्रस्ताव

नेकपा एमालेका महासचिव शंकर पोखरेलले पार्टीका नेता तथा कार्यकर्ताको जीवनशैली र नैतिक आचरणमा गम्भीर विचलन देखिन थालेको भन्दै पार्टी शुद्धीकरण अभियान चलाउनुपर्ने प्रस्ताव गरेका छन्।
एमालेले पेस  गर्‍यो आफ्ना पालाका उपलब्धि : गरिबी घटेकोदेखि विद्युत् उत्पादन ४ हजार मेगावाट नाघेको दाबी

एमालेले पेस गर्‍यो आफ्ना पालाका उपलब्धि : गरिबी घटेकोदेखि विद्युत् उत्पादन ४ हजार मेगावाट नाघेको दाबी

नेकपा एमालेले आफू नेतृत्वमा रहेका र सरकारमा सहभागी भएका अवधिमा देशमा आर्थिक–सामाजिक विकास, पूर्वाधार निर्माण, शिक्षा, स्वास्थ्य, सामाजिक सुरक्षा र सुशासनका क्षेत्रमा उल्लेखनीय काम भएको दाबी गरेको छ।

भर्खरै