नेभिगेशन
समाज

काठमाडौँका सबै क्षेत्र २४ घण्टा खुला गर्नेबारे प्रशासनले गर्‍यो यस्तो निर्णय

काठमाडौँ । जिल्ला प्रशासन कार्यालय काठमाडौंले राजधानीका सबै व्यापारिक तथा बजार क्षेत्र चौबीसै घण्टा खुला गर्ने तयारी थालेको छ। त्यसका लागि आवश्यक सुरक्षा व्यवस्था, यातायात, स्वास्थ्य सेवा, विद्युत्, इन्टरनेटलगायत पूर्वाधारको सुनिश्चितता गर्न रणनीतिक तयारी भइरहेको प्रशासनले जनाएको छ।

Watch On

Facebook Tiktok Youtube Instagram Twitter

जिल्ला प्रशासन कार्यालयले सोमबार सूचना जारी गर्दै हाल दरबारमार्ग र ठमेल क्षेत्र चौबीसै घण्टा खुला गर्ने निर्णय कार्यान्वयनमा रहेको र अब काठमाडौं जिल्लाका अन्य क्षेत्रलाई समेत क्रमशः २४ घण्टा सञ्चालनमा ल्याउने तयारी भइरहेको जानकारी दिएको हो।

Marvel
Extreme Energy

प्रमुख जिल्ला अधिकारी ईश्वरराज पौडेलद्वारा जारी सूचनाअनुसार काठमाडौंका सबै क्षेत्र चौबीसै घण्टा खुला गर्नुअघि भरपर्दो सुरक्षा प्रबन्धसँगै सडक यातायात, स्वास्थ्य सेवा, विद्युत्, इन्टरनेट, सीसीटीभी र सडकबत्तीको पर्याप्त व्यवस्था गर्नुपर्नेछ।

त्यसका लागि जिल्ला प्रशासन कार्यालयले आवश्यक रणनीतिक तयारी गरिरहेको जनाएको छ।

प्रशासनले आगामी दिनमा स्थानीय तह, विभिन्न सरकारी विभाग तथा कार्यालय, यातायात व्यवसायी र निजी क्षेत्रका प्रतिनिधिसँग समन्वयात्मक बैठक आयोजना गर्ने भएको छ। उक्त बैठकबाट चौबीसै घण्टा बजार तथा व्यवसाय सञ्चालनका लागि आवश्यक व्यवस्थाबारे छलफल गरिने सूचनामा उल्लेख छ।

बृहत् तयारी पूरा भएपछि मात्रै काठमाडौं जिल्लाका सम्पूर्ण क्षेत्र चौबीसै घण्टा खुला गर्ने निर्णय गरिने प्रशासनले स्पष्ट पारेको छ।

तत्काल भने दरबारमार्ग र ठमेलबाहेकका क्षेत्रलाई चौबीसै घण्टा खुला गर्न अनुमति दिइएको छैन। प्रशासनले अर्को सूचना जारी नभएसम्म यी दुई क्षेत्रबाहेकका स्थानमा व्यवसायीलाई यसअघि तोकिएको समयसीमाभित्रै व्यापार तथा व्यवसाय सञ्चालन गर्न सूचित गरेको छ।

यससँगै काठमाडौंलाई रात्रिकालीन आर्थिक गतिविधिको केन्द्रका रूपमा विस्तार गर्ने योजनाले औपचारिक तयारीको चरणमा प्रवेश गरेको छ। तर यसको कार्यान्वयनका लागि सुरक्षा, सार्वजनिक यातायात, स्वास्थ्य सेवा र अन्य आधारभूत पूर्वाधारको व्यवस्थापन प्रमुख विषय हुने देखिन्छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
सुदूरपश्चिमलाई हराउँदै लुम्बिनी एनपिएलको फाइनलमा

सुदूरपश्चिमलाई हराउँदै लुम्बिनी एनपिएलको फाइनलमा

लुम्बिनीका लागि निरोशन डिकवेलाले अर्धशतकीय पारी खेले । उनले २७ बलमा ७ चौका र २ छक्कासहित ५९ रन बनाए । यस्तै, दिलिप नाथले अविजित १० तथा  कप्तान रोहितकुमार...
क्षमताभन्दा बढी सिट राखेर चलाइएका चार विद्युतीय गाडीलाई ४० हजार जरिवाना

क्षमताभन्दा बढी सिट राखेर चलाइएका चार विद्युतीय गाडीलाई ४० हजार जरिवाना

मकवानपुरको भीमफेदी गाउँपालिका–६ स्थित चेकपोइन्टमा गरिएको सवारी जाँचका क्रममा दर्ता प्रमाणपत्रमा उल्लेखित क्षमताभन्दा बढी सिट जडान गरिएका चारवटा विद्युतीय गाडी फेला परेका हुन्।
जब्दीघाट पुल निर्माणको अन्योल हट्यो, ४२ महिनाभित्र सक्ने लक्ष्य

जब्दीघाट पुल निर्माणको अन्योल हट्यो, ४२ महिनाभित्र सक्ने लक्ष्य

२०६८ सालमा ठेक्का सम्झौता भएर निर्माण सुरु भएको पुल हस्तान्तरण नहुँदै २०७४ सालमा भासिएको थियो। निर्माणमा भएको ढिलाइ र प्राविधिक समस्याका कारण रुग्ण बनेको आयोजनाको ठेक्का २०७९ सालमा...
नख्खुमा मिनी कन्टेनरबाट एक करोड ६७ लाख रुपैयाँ बरामद, तीन जना पक्राउ

नख्खुमा मिनी कन्टेनरबाट एक करोड ६७ लाख रुपैयाँ बरामद, तीन जना पक्राउ

काठमाडौँ उपत्यका अपराध अनुसन्धान कार्यालयको टोलीले सोमबार विशेष सूचनाका आधारमा ललितपुर महानगरपालिका–४ स्थित नख्खु दोबाटो चोकमा मिनी कन्टेनर रोकेर खानतलासी गर्दा एक करोड ६७ लाख ३३ हजार २३०...

भर्खरै