नेभिगेशन
समाज

सहायक रथी बस्नेत सेनापतिको सचिवालयमा, प्रवक्तामा श्रेष्ठ

काठमाडौँ । सैनिक मुख्यालयले प्रवक्ता परिवर्तन गरेको छ । हालका प्रवक्ता सहायक रथी राजाराम बस्नेतलाई प्रधानसेनापतिको सचिवालयमा लगेर अर्का सहायक रथी राजेन्द्र श्रेष्ठलाई प्रवक्ता बनाउने निर्णय जंगी अड्डाले गरेको छ । 

Watch On

Facebook Tiktok Youtube Instagram Twitter

जंगी अड्डा स्रोतका अनुसार, यसै साता सैनिक जनसम्पर्क तथा सूचना निर्देशनालयको नेतृत्व सहायक रथी श्रेष्ठले सम्हाल्नेछन् । एक–दुई दिनभित्रै बुझबुझारथको तयारी गरिएको छ । 

Marvel
Extreme Energy

सहायक रथी बस्नेत अघिल्लो असारमा जनसम्पर्क तथा सूचना निर्देशनालयमा आएका थिए । करिव सत्र महिनापछि उनको सरुवा भएको हो । नेपाली सेनामा सैनिक जनसम्पर्क निर्देशनालयको निर्देशक नै सूचना अधिकारी तथा प्रवक्ता रहने अभ्यास छ । 

सैनिक प्रवक्ताको जिम्मेवारी सम्हाल्न लागेका सहायक रथी श्रेष्ठको पृष्ठभूमि प्राविधिक हो । सेनाका अधिकारीहरुका अनुसार, उनी इन्जियनियर हुन् र बम डिस्पोजका विज्ञ हुन् । सेनामा पहिलो पटक प्राविधिक तर्फका सहायक रथीलाई प्रवक्ताको जिम्मेवारी दिइएको सैनिक अधिकारीहरुले नै बताएका छन् ।

तर, सैनिक प्रवक्ता बस्नेतले भने यससम्बन्धी प्रक्रिया नै सुरु नभएको दाबी गरेका छन् । ‘प्रक्रिया सुरु नै भएको छैन, भएपछि खबर गर्छु नि,’ प्रवक्ता बस्नेतले सिधाकुरासँग भने । 

मुख्यालय स्रोतका अनुसार, जेनजी आन्दोलनदेखि हालसम्म निर्देशनालयको निर्देशकको रुपमा बस्नेतले निर्वाह गरेको भूमिकाको मूल्यांकन गर्दै प्रधानसेनापति अशोकराज सिग्देलले बस्नेतलाई आफ्नो सचिवालयमा लगेका हुन् । बस्नेतले अब केही दिनपछि प्रधानसेनापतिको सैनिक सचिवको रुपमा जिम्मेवारी सम्हाल्नेछन् । 
 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
अर्थमन्त्रीको निर्देशनमा भन्सार विभागले गरेको ६९ अधिकृत र २०३ नासुको सरुवा रद्द, अपारदर्शी सरुवाबारे छानबिन सुरु

अर्थमन्त्रीको निर्देशनमा भन्सार विभागले गरेको ६९ अधिकृत र २०३ नासुको सरुवा रद्द, अपारदर्शी सरुवाबारे छानबिन सुरु

तर, सरुवा पारदर्शी नभएको भन्दै उजुरी परेपछि अर्थमन्त्री डा.वाग्लेले सबै तहको सरुवा रद्द गर्न सोमबार निर्देशन दिएका थिए । “सरुवा पारदर्शी र न्यायोचित नभएको भन्ने गम्भीर सूचना र...
पाँच पालिका भूमिहीन तथा अव्यवस्थित बसोबासी समस्यामुक्त घोषित

पाँच पालिका भूमिहीन तथा अव्यवस्थित बसोबासी समस्यामुक्त घोषित

समस्यामुक्त घोषणा हुने पालिकामा बागलुङको जैमिनी नगरपालिका, डोल्पाको काइके गाउँपालिका, सोलुखुम्बुको खुम्बुपासाङल्हामु गाउँपालिका र महाकुलुङ गाउँपालिका तथा रुकुम पूर्वको भूमे गाउँपालिका रहेका छन्।
महोत्तरीका १९६ परिवारले पाए लालपुर्जा

महोत्तरीका १९६ परिवारले पाए लालपुर्जा

महोत्तरीको एकडारा गाउँपालिका–२ का १९६ स्ववासी परिवारले नापजाँच सम्पन्न भएको करिब १० वर्षपछि जग्गाधनी प्रमाणपुर्जा (लालपुर्जा) प्राप्त गरेका छन्।
कर्णाली करिडोरको ४१ किलोमिटर सडक स्तरोन्नति गर्न ३ अर्ब बढीको ठेक्का

कर्णाली करिडोरको ४१ किलोमिटर सडक स्तरोन्नति गर्न ३ अर्ब बढीको ठेक्का

कर्णाली करिडोरको दक्षिण खण्डअन्तर्गत ४१ किलोमिटर सडक स्तरोन्नति हुने भएको छ। पूर्वाधार विकासमन्त्री सुनिल लम्सालले स्तरोन्नतिका लागि ३ अर्ब रुपैयाँभन्दा बढीको बहुवर्षीय कार्यक्रम स्वीकृत गरी ठेक्का सम्झौता गरिएको...