नेभिगेशन
समाज

राप्रपामा त्रिपक्षीय प्रतिस्पर्धा ?

सदाचार र भ्रष्टाचार पक्षबीच ध्रुवीकरण भइरहेको राप्रपा नेताकै टिप्पणी

काठमाडौं। राजसंस्था समर्थक पुरानो  पार्टी राप्रपामा त्रिपक्षीय प्रतिस्पर्धा हुने देखिएको छ।

Watch On

Facebook Tiktok Youtube Instagram Twitter

राप्रपाको महाधिवेशन यही मंसिर २६ देखि २८ गतेसम्म काठमाडौंमा हुँदैछ। आगामी नेतृत्वका लागि वर्तमा अध्यक्ष राजेन्द्र लिङ्देन दोहोरिने योजनामा छन्।उनलाई कमल थापा समूहले चुनौती दिने तयारी गरेको छ। मंगलबार कार्य सम्पादन समिति सदस्य एवम् प्रवक्ता ज्ञानेन्द्र शाहीले पनि चुनौती दिने घोषणा गरेका छन्। शाहीले अध्यक्षमा उम्मेदवारी दिने बताएका हुन्।

Marvel
Extreme Energy

उनले औपचारिक रूपमा उम्मेदवारी घोषणा त गरेका छैनन्। केही दिनमा सार्वजनिक कार्यक्रम गरेरै युवा पंक्तिका तर्फबाट साझा उम्मेदवारका रूपमा आफूलाई प्रस्तुत गर्ने तयारी गरेको उनले सिधाकुरालाई बताए।

‘मैले औपचारिकरूपमा घोषणा त गरेको छैन। तर अध्यक्षमा उम्मेदवारी दिन्छु। पार्टीका युवाहरूको साझा उम्मेदवारका रूपमा उम्मेदवारी दिँदैछु’ उनले भने।

उनले अध्यक्ष लिङ्देनलाई अध्यक्षभन्दा माथिको वरीयता रहने गरी आफूहरूले सर्वोच्च नेता प्रस्ताव गरेको पनि बताए।

‘हामीले राजेन्द्र लिङ्देनलाई सर्वोच्च नेता प्रस्ताव गरेका छौं। त्यो पद अध्यक्षभन्दा माथिको वरीयताको हो,’ उनले भने।

एक नेताका अनुसार शाहीलाई पार्टीका केही पदाधिकारीहरूको पनि साथ छ। उनले ती पदाधिकारीको नाम भने बताउन चाहेनन्। राप्रपाका एक पदाधिकारीले भने २०७९ को प्रतिनिधि सभा निर्वाचयता शाही पार्टीबाहिर लोकप्रिय बन्दै गएको र त्यसलाई पार्टीभित्र ल्याउन खोजेको टिप्पणी गरे।

तर पार्टीभित्रको परिदृश्य भने फरक रहेको उनको भनाइ छ।

‘ज्ञानेन्द्र शाही पार्टीबाहिर लोकप्रिय हुनुहुन्छ। त्यही भएर दुई–दुईपटक जुम्लाबाट प्रतिनिधि सभा सदस्य निर्वाचन पनि जितिसक्नुभयो। अहिले पार्टीबाहिरको आफ्नो लोकप्रियतालाई भित्र्याउन खोजे पनि पार्टी पंक्तिले रुचाएको देखिँदैन,’ ती नेताले भने।

शाहीले अहिले उम्मेदवारी दाबी गरे पनि अन्तिम समयमा उनले राजेन्द्र लिङ्देनलाई नै सघाउने ती नेताको दाबी छ।

उहाँ लिङ्देनको एगेन्स्ट (विपक्ष)मा जाने कम सम्भावना छ।

ती नेताका अनुसार विक्रम पाण्डेले पनि लिङ्देनलाई चुनौती दिनेगरी तयारी थालेका छन्।

उनलाई पूर्वअध्यक्ष कमल थापा र प्रकाशचन्द्र लोहनीको समर्थन देखिएको छ। यद्यपि उनीहरू मुखररूपमा प्रस्तुत भएका छैनन्।

‘कमल थापाले विक्रम पाण्डेलाई तयार गरिरहनुभएको छ। यद्यपि थापाले बाहिर बोलेको सुनिएको छैन,’ अर्का नेताले बताए।

ती नेताले राप्रपामा अहिले सदाचार आत्मसात गरिरहेका र भ्रष्टाचारको आरोप लागेकाबीच तीव्र ध्रुवीकरण बढिरहेको टिप्पणी गरे।

उनले विक्रम पाण्डेतर्फ नै आफ्नो अभिव्यक्ति लक्षित गरेका हुन्।

पाण्डेविरूद्ध सार्वजनिक खरिद अनुगमन कार्यालयको ई–बिडिङको वेबसाइट ह्याकको मुद्धा विचाराधीन छ।

त्यस्तै उनीमाथि सिक्टा सिँचाइ आयोजनामा भ्रष्टाचार गरेको मुद्दा पनि लागेको थियो।

सिक्टा सिँचाइ आयोजनामा गुणस्तरहीन काम गरी नहर परीक्षणकै क्रममा भत्किएको विषयमा अख्तियार दुरुपयोग अनुसन्धान आयोगले कालिका कन्स्ट्रक्सनका सञ्चालक पाण्डेसहितविरुद्ध भ्रष्टाचारको मुद्दा दायर गरेको थियो।

२०७५ मा मुद्दा दायर भएपछि उनी ४ करोड रुपैयाँ धरौटी बुझाएर छुटेका थिए। पछि विशेष अदालतबाट उनले यस भ्रष्टाचार मुद्दामा सफाइ पाएका थिए।

त्यस्तै सार्वजनिक खरिद अनुगमन कार्यालयको प्रणालीमा अनधिकृत पहुँच पुर्‍याइ (वेबसाइट ह्याक गरी) ठेक्का विवरण हेरफेर गरेको आरोप पनि उनीमाथि लागेको छ। कालिका कन्स्ट्रक्सनका सञ्चालक पाण्डे र भीषण कन्स्ट्रक्सनका सञ्चालक टंककुमार श्रेष्ठको कम्पनीलाई फाइदा हुने गरी आर्थिक प्रस्ताव खोल्नुअगावै कागजात परिवर्तन गरिएको अनुसन्धानमा खुलेको थियो।

प्रहरीको केन्द्रीय अनुसन्धान ब्युरोअन्तर्गतको साइबर ब्युरोले यसमा अनुसन्धान अघि बढाएको थियो। पाण्डेविरुद्ध विद्युतीय कारोबार ऐन अन्तर्गत मुद्दा दायर गरिएको थियो भने सुरुमा लगाइएको संगठित कसुरको मागदाबी पछि हटाइएको थियो। यस प्रकरणमा अदालतले उनलाई ४ लाख रुपैयाँ धरौटीमा छाड्न आदेश दिएको थियो।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
पाँचखालको रिसोर्टबाट किन पक्राउ परे ३६ चिनियाँ नागरिक ?

पाँचखालको रिसोर्टबाट किन पक्राउ परे ३६ चिनियाँ नागरिक ?

काभ्रेपलाञ्चोकको पाँचखालस्थित एक रिसोर्टबाट ३६ जना चिनियाँ नागरिकलाई प्रहरीले नियन्त्रणमा लिएको छ।
ऊर्जामन्त्री श्रेष्ठको पहलले पायो सार्थकता, भारतले दियो ३५० मेगावाट बिजुली, हिउँदमा लोडसेडिङ नहुने

ऊर्जामन्त्री श्रेष्ठको पहलले पायो सार्थकता, भारतले दियो ३५० मेगावाट बिजुली, हिउँदमा लोडसेडिङ नहुने

ऊर्जा, जलस्रोत तथा सिँचाइ मन्त्री विराज भक्त श्रेष्ठको निरन्तरको पहलमा भारत हिउँदयाममा नेपाललाई ३५० मेगावाट विजुली उपलब्ध गराउन तयार भएको छ ।
ऊर्जा मन्त्री श्रेष्ठ र भारतीय राजदूत दलेलाबीच भेट, ऊर्जा सहकार्य विस्तारमा जोड

ऊर्जा मन्त्री श्रेष्ठ र भारतीय राजदूत दलेलाबीच भेट, ऊर्जा सहकार्य विस्तारमा जोड

ऊर्जा, जलस्रोत तथा सिँचाइ मन्त्री विराज भक्त श्रेष्ठ र नेपालका लागि भारतीय राजदूत सुधाकर दलेलाबीच मंगलबार शिष्टाचार भेटवार्ता भएको छ ।
सर्लाहीमा कार र अटो ठोक्किँदा ६ जना घाइते, दुई जनाको अवस्था गम्भीर

सर्लाहीमा कार र अटो ठोक्किँदा ६ जना घाइते, दुई जनाको अवस्था गम्भीर

सर्लाहीमा कार र अटो एकापसमा ठोक्किँदा ६ जना घाइते भएका छन्। घाइतेमध्ये दुई जनाको अवस्था गम्भीर रहेको छ।