नेभिगेशन
समाज

नीतिगत सुधार र सुशासनकै कारणले राजस्व बढेको छः अर्थमन्त्री डा वाग्ले

काठमाडौं । अर्थमन्त्री डा. स्वर्णिम वाग्लेले सरकारको नीतिगत सुधार र सुशासनका कारण राजस्व सङ्कलनमा सकारात्मक नतिजा देखिन थालेको बताएका छन्।

Watch On

Facebook Tiktok Youtube Instagram Twitter

सोमबार आन्तरिक राजस्व विभागले आयोजना गरेको ‘राष्ट्रिय कर दिवस २०८३’ कार्यक्रममा बोल्दै उनले चालु आर्थिक वर्षको चार महिनामा भन्सार राजस्व सङ्कलन उत्साहजनक रहेको बताए।

Marvel
Extreme Energy

उनले असोज महिनामा सरकारले निर्धारण गरेको समग्र कर राजस्वको लक्ष्य पूरा गरेको दाबी गरे। नीतिगत सुधारले नतिजा दिन थालेको उल्लेख गर्दै उनले राजस्व सङ्कलनमा बम्पर उपहार योजनाले पनि उत्प्रेरकको काम गरेको बताए।

‘असोजमा पूरै ट्याक्स रेभिन्युका टार्गेट मिट गरेका छौँ। त्यसैले केही न केही काम भइराखेको छ। रिफर्मले नतिजा दिन थालेका छन्,’ उनले भने।

सरकारले प्रतिकूल आर्थिक परिस्थितिका बाबजुद राजस्वको लक्ष्य भेट्टाउनुलाई सुशासनको लाभांशका रूपमा बुझ्नुपर्ने उनको भनाइ थियो।

वाग्लेले कर प्रशासनको डिजिटल रूपान्तरण र स्वचालनलाई सुशासनको अभिन्न अंगका रूपमा अघि बढाइएको बताए। आन्तरिक राजस्व विभागको एकीकृत कर प्रणालीलाई सरल, सहज, सुरक्षित र व्यवसायी तथा करदातामैत्री बनाउन प्राविधिक सुधार भइरहेको उनले जानकारी दिए।

कारोबार, लेखा प्रतिवेदन तयारी, आय विवरण पेस र कर दाखिलासम्मका प्रक्रियालाई प्रविधिमार्फत सहज र स्वचालित बनाउने सरकारको लक्ष्य रहेको उनले बताए।

उद्यम तथा व्यवसाय प्रवर्द्धन, लगानी विस्तार र अर्थतन्त्रलाई चलायमान बनाउन सरकारले कर नीतिमा सुधार तथा करका दर र दायराको पुनरावलोकन गरिरहेको पनि उनले उल्लेख गरे। भन्सार महसुल र अन्तःशुल्कलगायतका क्षेत्रमा सुधार सुरु गरिएको उनको भनाइ थियो।

कार्यक्रममा प्रधानमन्त्री वालेन्द्र शाहका सूचना तथा सञ्चार प्रविधि सल्लाहकार विवेक मिश्रले नयाँ स्वरूपको करदाता पोर्टल शुभारम्भ गरे। सोही अवसरमा आन्तरिक राजस्व विभागको आर्थिक वर्ष २०८२/८३ को वार्षिक प्रतिवेदन र स्मारिका पनि विमोचन गरिएको थियो।

विभागका महानिर्देशक भीष्मकुमार भुसालले विभागले नीतिगत सुधारका कामलाई उच्च प्राथमिकतामा राख्दै आएको जानकारी दिए।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
जुनसुकै बेला आन्दोलन हुन सक्छ, तयारी अवस्थामा रहनू : ओली

जुनसुकै बेला आन्दोलन हुन सक्छ, तयारी अवस्थामा रहनू : ओली

नेकपा एमालेका अध्यक्ष केपी शर्मा ओलीले सरकारविरुद्ध जुनसुकै बेला आन्दोलन गर्नुपर्ने अवस्था आउन सक्ने भन्दै नेता तथा कार्यकर्तालाई तयारी अवस्थामा रहन निर्देशन दिएका छन्।
एमाले स्थायी कमिटी बैठकमा सहभागी हुन नेताहरू च्यासल पुग्दै (तस्बिरहरू)

एमाले स्थायी कमिटी बैठकमा सहभागी हुन नेताहरू च्यासल पुग्दै (तस्बिरहरू)

नेकपा एमालेको स्थायी कमिटीको दोस्रो बैठकमा सहभागी हुन नेताहरू पार्टी केन्द्रीय कार्यालय च्यासल पुग्न थालेका छन्।
इरानले अमेरिकामा ‘डर्टी बम’ आक्रमणको योजना बनाएको अमेरिकी गुप्तचरको आशङ्का

इरानले अमेरिकामा ‘डर्टी बम’ आक्रमणको योजना बनाएको अमेरिकी गुप्तचरको आशङ्का

अमेरिकी राजधानी वासिङ्टन डिसीमा राष्ट्रपति डोनाल्ड ट्रम्प प्रशासनका उच्च अधिकारीलाई लक्षित गरी इरानले ‘डर्टी बम’ वा रासायनिक हतियार प्रयोग गर्ने सम्भावित योजना बनाएको अमेरिकी गुप्तचरको सङ्केत रहेको सीएनएनले...
कोस्टारिकामा पत्रकारको गोली हानी हत्या

कोस्टारिकामा पत्रकारको गोली हानी हत्या

लागुऔषध तस्कर र राजनीतिज्ञबीचको कथित सम्बन्ध सार्वजनिक गर्दै आएका कोस्टारिकाका स्वतन्त्र पत्रकार क्यामिलो रोड्रिगेजको राजधानी सान जोसेनजिकै गोली हानी हत्या गरिएको छ ।