सबै कुरा

बाँसबारी जग्गा किर्तेमा चौधरी समूहलाई उन्मुक्तिः महान्यायाधिवक्ता कार्यालयले गर्यो मुद्दा नचल्ने निर्णय

सिधाकुरा

मंगलबार, माघ २२, २०८१

बाँसबारी जग्गा किर्तेमा चौधरी समूहलाई उन्मुक्तिः महान्यायाधिवक्ता कार्यालयले गर्यो मुद्दा नचल्ने निर्णय

काठमाडौँ । सरकारले बाँसबारीको १० रोपनी जग्गा किर्ते गरेर हत्याएको आरोपमा चौधरी समूहलाई उन्मुक्ति दिएको छ । जग्गा किर्तेमा मुद्दा चलाउन नपर्ने प्रहरी प्रतिवेदनका आधारमा महान्यायाधिवक्ता कार्यालयले चौधरी समूह विरुद्ध मुद्दा नचल्ने निर्णय गरेको हो ।

Watch On

बाँसबारीको १० रोपनी सरकारी जग्गा किर्तेमा संलग्नलाई ‘मुद्दा चलाउन नपर्ने’ रायसहितको प्रहरी प्रतिवेदनका आधारमा यस्तो निर्णय भएको महान्यायाधिवक्ताको कार्यालयका प्रवक्ता एवम् सहन्यायाधिवक्ता सूर्यराज दाहालले सिधाकुरालाई बताए ।

‘चौधरी समूह विरुद्ध जग्गा किर्तेमा मुद्दा नचल्ने निर्णय भएको हो,’ प्रवक्ता दाहालले सिधाकुरासँग भने,‘ठ्याक्कै निर्णय भएको दिन मैले भन्न सकिन । निर्णयको व्यहोरा चाँहि चौधरी समूहको नाममा रहेको जग्गा सरकारको नाममा आइसकेको र सो विरुद्ध सर्वोच्चमा दायर रिट पनि चौधरी समूहले फिर्ता लिइसकेको हुनाले मुद्दा चलाई राख्न नपर्ने भन्ने निर्णय भएको छ ।’

बाँसबारीको सरकारी जग्गा किर्ते गरेर हडपेको समाचार उकालो डटकमले २०७९ कात्तिक ५ गते प्रकाशित गरेको थियो । त्यसपछि यो प्रकरणमा सरकारले छानबिन गरेको थियो ।

प्रकाशित मिति: मंगलबार, माघ २२, २०८१

प्रतिक्रिया दिनुहोस्