समाज

राप्रपा सांसदको प्रश्नः यौन व्यवसाय र कोठी सरकारले नै चलाउने दिन आएको हो ?

सिधाकुरा

सोमबार, चैत ४, २०८१

राप्रपा सांसदको प्रश्नः यौन व्यवसाय र कोठी सरकारले नै चलाउने दिन आएको हो ?

काठमाडौँ । राप्रपाका सांसद दीपक बहादुर सिंहले सरकारले नै यौन व्यवसाय चलाउने अवस्था आएको हो प्रश्न गरेका छन् । प्रतिनिधिसभाको आजको बैठकमा बोल्दै सांसद सिंहले सरकार पक्षकै माननीय ज्यूबाट यौन व्वयवसायलाई बैधानिकता निदुपर्ने प्रस्ताव आएको भन्दै यस्तो प्रश्न गरेका हुन् ।

Watch On

यस्तो छ सांसद दीपक शहादुर सिंहले दिएको अभिव्यक्तिः

देशका लाखौँ युवाहरु खाडी मुलुकमा रोजगारी र शिक्षकको लागि आफ्नो भविष्यको लागि देश छोडिसकेका छन् । अब सिमित अब कलिला युवा, आमा छोराछोरी मात्र बाँकी छ । देशको आर्थिक विकासको लागि पर्यटन भित्र्याउन, त्यो पनि ज्यादा खर्च गर्ने पर्यटन ल्याउनको लागि यौन व्यवसायको लाइसेन्स सरकारले दिनुपर्छ भन्नुभएको छ एउटा जिम्मेवार माननीय ज्यूले । सरकारकै माननीय ज्यूले । यौन व्यवसाय, वेश्यालय, कोठी सरकारले नै चलाउने दिन आएको त होइन ? यो देश प्रकृतिको सुन्दर देश हो । यो देश जस्रोतमा दोस्रो धनी देश हो । यो देश देवभूमी हो । यो देश माता सिता भृकुटीको भूमी हो, यो देश बुद्धको भूमी हो, यो देश देवी पुजनको भूमी हो । यही दिनको लागि गण्तन्त्र ल्याएको हो ? यही दिनको लागि राजा फ्याकेको हो ?

प्रकाशित मिति: सोमबार, चैत ४, २०८१

प्रतिक्रिया दिनुहोस्