समाज

राजतन्त्र पुनर्स्थापनाकाे नाममा कलाविहीन नाटक मञ्चन भइरहेको छ: प्रचण्ड

सिधाकुरा

मंगलबार, चैत ५, २०८१

राजतन्त्र पुनर्स्थापनाकाे नाममा कलाविहीन नाटक मञ्चन भइरहेको छ: प्रचण्ड

काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले अहिले राजतन्त्र पुनर्स्थापनाकाे नाममा कलाविहीन नाटक मञ्चन भइरहेको टिप्पणी गरेका छन् ।

Watch On

सांस्कृतिक प्रतिरोध दिवसको अवसरमा मंगलबार काठमाडौँमा आयोजित कार्यक्रममा प्रचण्डले राजतन्त्र पुनस्र्थापनाको नाममा कलाविहीन नाटक मञ्चन भइरहेको टिप्पणी गर्दै जनताले इतिहास बनाइदिएको राजसंस्थाको पुनस्र्थापना सम्भव नै नरहेको बताए ।

ज्ञानेन्द्र शाहको मुर्खताले देशमा गणतन्त्र आउनमा सहयोग पुगेको भन्दै प्रचण्डले पछिल्लो समय ज्ञानेन्द्रको मुर्खताबाट सुरु भएको बहसले नेपाली जनतालाई अझ बढी चेतनशील बनाउन मद्दत गर्ने धारणा राखे ।

उनले संघीय लोकतान्त्रिक गणतन्त्र एउटा युगान्तकारी उपलब्धि भएकाले अहिलेको व्यवस्थाबिरुद्ध प्रश्न उठाउने दुष्साहस गरे ठूलो मूल्य चुकाउनुपर्ने चेतावनी दिए । प्रचण्डले अहिले संशोधन नभइ सवै दल मिलेर समिक्षा गर्न जरुरी रहेको बताए । समिक्षा पछि जनताको आवश्यकताका आधारमा संशोधनको प्रक्रिया अघि बढाउनुपर्ने उनले बताए

उनले राजतन्त्र फालेका शक्तिहरु एक ठाउँमा आएर जनतालाई अधिकार सम्पन्न बनाउनुपर्नेमा समेत जोड दिए । प्रचण्डले क्रान्तिकारी माओवादी धाराहरु छिटै एकताबद्ध हुने जिकिर गरे ।

प्रकाशित मिति: मंगलबार, चैत ५, २०८१

प्रतिक्रिया दिनुहोस्