अन्ततः ९ महिनापछि पृथ्वीमा फर्कीए अन्तरिक्ष यात्री सुनिता र बुच

काठमाडौं । अन्तरिक्ष यात्री सुनिता विलियम्स र बुच विलमोर नौ महिना अन्तरिक्षमा बिताएपछि अन्ततः पृथ्वीमा फर्किएका छन्।  अन्तरिक्षबाट करिब १७ घण्टा लामो यात्रापछि पृथ्वीमा फर्किएका उनीहरु नेपाली समयअनुसार बिहान ३ बजेर ४३ मिनेटमा क्याप्सुल फ्लोरिडाको तट नजिक समुद्रमा अवतरण थिए । 

बीबीसीका अनुसार यानले पृथ्वीको वायुमण्डलमा तीव्र गतिमा प्रवेश गरेसँगै चार वटा प्यारासुट खुले र तिनीहरूलाई फ्लोरिडाको तटमा सुरक्षित रूपमा अवतरण गराइयो ।

सन् २०२४ जुन ५ मा जम्मा आठ दिन अन्तरिक्षमा बिताउन परीक्षण यान स्टारलाइनरमार्फत अन्तर्राष्ट्रिय अन्तरिक्ष केन्द्र (आईएसएस)को गएका सुनिता विलियम्स र बुच विलमोर, यानमा खराबी आएपछि यात्रा ९ महिनासम्म अन्तरिक्षमा रोकिए । 
उनीहरुले अन्तरिक्षबाटै मतदान, क्रिस्मस डिनरको आनन्द र शून्य गुरुत्वाकर्षणमा शारीरिक अभ्यासजस्ता कुराहरूले गरेर अन्तर्राष्ट्रिय अन्तरिक्ष स्टेशन (आईएसएस) मा लामो समयको बिताए । 

अन्ततः झन्डै नौ महिनापछि यी दुई अन्तरिक्षयात्री स्पेसएक्स ड्र्यागन क्याप्सुलमा पृथ्वी फर्किए।

पृथ्वीको वायुमण्डलमा प्रवेश गर्ने क्रममा क्याप्सुलको गति १७,००० माइल प्रतिघण्टा थियो, जसलाई केही मिनेटभित्रै नियन्त्रण गरेर सुस्त पारियो । जब उनीहरू अन्तरिक्ष यानबाट बाहिर निस्किए, उनीहरूको अनुहारमा मुस्कान थियो।