काठमाडौँमा पाकेटमारः २७१ थान मोबाइल सहित ७ जना पक्राउ 

काठमाडौँ । काठमाडौँमा गुड्ने सार्वजनिक सवारी साधनहरुमा पाकेटमारी तथा चोर गर्ने ७ जना पक्राउ परेका छन् । उनीहरुको साथबाट चोरी गरिएका २७१ थान मोबाइल, १५ थान ल्यापटप र ९ थान ट्याब फेला परेका छन् । 

Watch On

पक्राउ पर्नेहरुमा काभ्रेको बेथानचोक गाउँपालिका ५ घर भई ललितपुको सानागाउँ बस्ने ३५ वर्षीय प्रमोद परियार, खानीखोला गाउँपालिका(५ स्थायी घर भई हाल भक्तपुरको ठिमी बस्ने २६ वर्षीय गुनराज न्यौपाने छन्।

त्यस्तै रौतहटको चन्द्रनिगाहपुर घर भई भक्तपुरको ठिमी बस्ने ३० वर्षीय  हेमन्त राना मगर, दोलखाको सैलुङ गाउँपालिका(६ स्थायी घर भई भक्तपुरको जगाती बस्ने २८ वर्षीय शम्भु विश्वकर्मा, जिल्ला सिन्धुपाल्चोकको मेलम्ची न।पा। ११ स्थायी घर भई हाल भक्तपुर गठ्ठाघर बस्ने वर्ष २२ को राजेश चालिसे, दोलखा, कालिन्चोक गाउँपालकि( ५ स्थायी घर भई काठमाडौंको चावाहिल बस्ने वर्ष २१ को सबिन पाण्डे  र काठमाडौंको सिनामंगल स्थायी घर भई हाल भक्तपुर ठिमी बस्ने वर्ष २० को प्रकाश कट्‌वाल छन्।
 चैत ७ गते  बेलुका ६ बजे ठिमीबाट कोटेश्वरबाट आउँदै गरेको एउटा गाडीमा एकजनाले पाकेट मारेर भागेको सूचनापश्चात तत्काल परिचालित भएको प्रहरीले गिरोहनै पक्राउ गरेको काठमाडौं प्रहरी परिसरका प्रवक्ता एसपी अपिलराज बोहराले जानकारी दिए । 
प्रहरीका अनुसार यसरी चोरी गरेको मोबाइल उनीहरुले  भक्तपुर जगातीस्थित सरोज मोबाइल रिपेयरिङ सेन्टरमा बेच्ने गरेका थिए । रिपेयरिङ सेन्टरका सञ्चालक पनि अहिले प्रहरी हिरासतमा छन् ।