पुकार बमले पाए हार्वर्डमा फेलोसिप, नेपालको शिक्षा प्रणाली बलियो बनाउने संकल्प

काठमाडौँ । राष्ट्रिय स्वतन्त्र पार्टीका केन्द्रीय सदस्य पुकार बमले हार्वर्ड विश्वविद्यालयबाट फेसोसिप पाएका छन् । बम हार्वर्ड केनेडी स्कूलको मास्टर इन पब्लिक एडमिनिस्ट्रेशन कार्यक्रममा एडवर्ड एस. मेसन फेलोको रूपमा स्वीकृत भएका हुन् । 

Watch On

नेपालको विभिन्न क्षेत्रमा आफ्नो पहिचान स्थापित गरेका बल आफू प्रतिष्ठित संस्थाको हिस्सा बन्न पाउँदा गर्व महसुस गरेको बताउँछन् । पछिल्लो समय त्रिभुवन विश्वविद्यालयमा पीएचडी अध्ययनरत उनी सो पढाईलाई त्यहीँ रोकेर हार्वर्ड जाने भएका छन् । त्यहाँ अध्ययन गरेर आफू नेपालको शिक्षा प्रणालीमा बलियो बनाउन फर्किने प्रतिबद्धता जनाएका छन् । ‘हार्वर्डमा अध्ययन गरेर म नेपालको शिक्षा प्रणाली बलियो बनाउन, सार्वजनिक सेवा प्रवाह सुधार गर्न, र विशेष गरी सीमान्तकृत समुदायहरूको उत्थानका निम्ति प्रभावकारी नीति निर्माणका लागि आवश्यक सीपहरू हासिल गर्नेछु।’, बमले भने । 

त्यस्तै उनले त्यहाँ अध्ययन गरेर प्राप्त गरेको ज्ञानलाई नेपालको राजनीति, शिक्षा र समाज सेवाका क्षेत्रमा लागू गर्ने प्रतिबद्धता व्यक्त गरेका छन्। उनले हार्वर्ड विश्वविद्यालयमा विश्वभरका प्रख्यात प्राध्यापकहरू, नीति निर्माता, समाजमा परिवर्तन ल्याउने नेताहरू र विज्ञहरूसँग अध्ययन गर्ने अवसर पाउने छन् ।

पछिल्लो समय राष्ट्रिय स्वतन्त्र पार्टीको संस्थापक सदस्य र केन्द्रीय कमिटि सदस्य समेत रहेका बम विवेकशील नेपाली पार्टीका संस्थापक समेत हुन् । त्यस्तै उनी रास्वपा सरकारमा रहेका बेला रास्वपाबाट शिक्षामन्त्री बनेकी सुमना श्रेष्ठको सचिवालयमा रहेर काम गरेका थिए ।  

त्यस्तै उनले भूकम्पपछिको पुनर्निर्माण तथा राहत कार्यमा नेतृत्वदायी भूमिका खेलेका थिए भने कोभिड महामारीका क्रममा देशका विभिन्न स्थानमा पुगेर उद्धार तथा राहत वितरण गरेका थिए । ‘इनफ इज इनफ’ अभियानका अभियन्ताका समेत रहेका उनले ११ दिनसम्म सत्याग्रहसमेत गरेका थिए।

त्यस्तै उनले नेपाल खुल्ला छ अभियान, बालुवाटार कब्जा अभियान, २० विभिन्न डा. गोविन्द केसी अभियान, वातावरणीय जागरूकता अभियानहरू, सम्पदा संरक्षण अभियान, नोट चल्ने भोट नचल्ने, पर्याप्त छ पर्याप्त अभियान जस्ता लोकप्रिय सामाजिक आन्दोलनहरूको नेतृत्व गरेका छन्।