३ दलका शिर्ष नेताहरुको छलफलमा के भयो ?

काठमाडौँ । तीन दलका शीर्ष नेताहरुबीच प्रधानमन्त्री कार्यालय सिंहदरवारमा छलफल भएको छ । प्रधानमन्त्री एवम् नेपाल कम्युनिष्ट पार्टी (एमाले)का अध्यक्ष केपी शर्मा ओली, नेपाली कांग्रेसका सभापति तथा पूर्वप्रधानमन्त्री शेरबहादुर देउवा र प्रमुख प्रतिपक्षी दल नेपाल कम्युनिष्ट पार्टी (माओवादी केन्द्र)का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’लगायत नेताहरु सहभागी बैठकमा सङ्क्रमणकालीन न्यायलगायत समसामयिक विषयमा छलफल भएको छ । 

Watch On

आजको छलफल बेपत्ता पारिएका व्यक्तिहरुको छानबिन तथा सत्य निरुपण तथा मेलमिलाप आयोग सम्बन्धी विषयमा मात्र केन्द्रित रहेको प्रधानमन्त्री ओलीका विज्ञ सल्लाहकार अग्नी खरेलले जानकारी दिए । ‘बेपत्ता पारिएका व्यक्तिहरुको छानबिन तथा सत्य निरुपण तथा मेलमिलाप आयोग ऐन २०७१ दफा ३ को उपदफा ३ बमोजिम  दुबै आयोगको अध्यक्ष तथा सदस्यहरुको नियुक्तिका लागि सिफारिस समिति (सर्च कमिटी) गठन प्रक्रिया अगाडि बढाउन परामर्श गरेको छ ।’ खरेलले भने, ‘अब सिफारिस प्रक्रिया अगाडि बढ्छ ।’ 

उक्त छलफलमा गृहमन्त्री तथा कांग्रेस नेता रमेश लेखक, माओवादी केन्द्रका नेताहरु शक्ति बस्नेत र खिमलाल देवकोटा तथा प्रधानमन्त्री ओलीका विज्ञ सल्लाहकार अग्नी खरेललगायत नेताहरु सहभागी थिए । 

उनका अनुसार दुई ओटै आयोग गठनको निम्ती बनेको सिफरिस समितिले एउटा प्रतिवेदन पनि दिएको थियो । त्यो प्रतिवेदनलाई पनि आजको छलफलमा पेश गरिएको छ । दलहरुको बीचमा एउटा सहमति गरेर जाने विगतको परम्परा जस्तै नै एसपटक पनि तीन दलका नेताहरु बसेर छलफल खरेलले बताए । 

आजको बैठकमा राजावादीको पछिल्ला गतिबिधिबारे कनै छलफल नभएको उनले जानकारी दिए । खरेलका अनुसार आजको छलफलका विषयमा यो विषय समावेश नै थिएन ।