समाज

सरकारमा दुई दल सँगै छौँ भन्नुको अर्थ सबै कुरामा समर्थन छ भन्ने होइनः विश्वप्रकाश शर्मा

सिधाकुरा

बिहीबार, चैत १४, २०८१

सरकारमा दुई दल सँगै छौँ भन्नुको अर्थ सबै कुरामा समर्थन छ भन्ने होइनः विश्वप्रकाश शर्मा

काठमाडौँ । नेपाली कांग्रेसका महामन्त्री विश्व प्रकाश शर्माले कुलमान घिसिङलाई हटाएर सरकारले गलत गरेको दोहोर्याएका छन् । कुलमानलाई हटाउने निर्णयपछि सामाजिक सञ्जालमार्फत असन्तुष्टि पोखेका शर्माको सञ्जालमै चर्को विरोध भईरहेको छ । बिहीबार उनले संसद बैठक सुरु हुनुअघि सञ्चारकर्मीलाई प्रतिक्रिया दिदै त्यसबारे स्पष्टिरण दिएका हुन् ।

Watch On

हिजो पनि हामीले अहिलेको अवस्थामा कुलमान हटाउनुहुन्न भन्दै आएका थियौँ । अहिले भनिरहेका छौँ । मार्क जुकरबर्गले फेसबुक बनाउने बेला नेपालका दुई महामन्त्रीले लेख्न पाउँदैनन् भनेका छैनन् ।’ शर्माले भने ।
त्यस्तै शर्माले पार्टीका काम कारबाहीमा महामन्त्री ठूलो हुने भएपनि सरकारको निर्णयमा महामन्त्री केही नचल्ने बताए ।

उनले सरकारमा दुई दल सँगै छौँ भन्नुको अर्थ सबै कुरामा समर्थन छ भन्ने पनि नहुने बताए । ‘सरकारमा हामी हामी दुइटा दल सँगै छौँ भन्नुको अर्थ सबै कुरामा साथ हुन्न भन्ने होइन नी । सरकारले गरेको राम्रो कुरामा साथ दिने हो । ७ ओटा बुँदामा समझादारी छ ।’ उनले भने, ‘कुनै एस्तो आठौँ बुँदा छैन, जसमा कमरेड केपी ओली प्रधानमन्त्री हुनुहुन्छ र एमालेले, प्रधानमन्त्रीले गरेको कुरामा विमति राख्न पाइदैन भन्ने कुनै आठौँ बुँदा छैन ।’

प्रकाशित मिति: बिहीबार, चैत १४, २०८१

प्रतिक्रिया दिनुहोस्