काठमाडौँमा गणतन्त्रवादी र राजावादीको प्रदर्शनः कसका कति मान्छे आउँदै छन् ?

काठमाडौं । काठमाडौं उपत्यकामा आज गणतन्त्रवादी र राजावादीहरुले  एकै समयमा अलग अलग स्थानमा प्रदर्शन गर्दै छन् । गणतन्त्रवादीहरुले प्रदर्शनीमार्गमा र राजावादीहरुले तिनकुनेमा प्रदर्शन गर्दै छन् ।

समाजवादी मोर्चा (माओवादी केन्द्र, नेकपा एकीकृत समाजवादी, नेपाल समाजवादी पार्टी र विप्लव नेतृत्वको नेकपा) को नेतृत्वमाा गणतन्त्रवादीहरुले प्रदर्शनीमा मार्गमा शक्ति प्रदर्शन गर्दै छन् । पूर्वपञ्च नवराज सुवेदीको नेतृत्वमा दुर्गा प्रसाईको कमाण्डमा राजावादीहरुले तिनकुनेमा शक्ति प्रदर्शन गर्दै छन् । 

दुवै पक्षको शक्ति प्रदर्शनमा कति मानिस आउँदैछन् ?
गणतन्त्रवादी र राजावादीहरु दुवै पक्षले शक्ति प्रदर्शनका लागि विभिन्न जिल्लाबाट काठमाडौँमा मान्छे उतारेका छन् । भ्रष्टाचार र बेथितिविरुद्ध सरकारलाई खबरदारी गर्न भन्दै समाजवादी मोर्चाले डेढ लाख बढी मानिस उतार्ने तयारी गरेको माओवादी केन्द्रका एक नेताले बताए ।

त्यसका लागि जनवर्गाीय संगठन तथा जिल्ला,  प्रदेश कमिटिहरुलाई पनि ३ हजार देखि १० हजार मानिस प्रदर्शनमा ल्याउन निर्देशन भएको थियो । मोर्चाको सबै दलका समर्थकहरु उपस्थित हुँदा संख्या ठुलो हुने आशामा नेताहरु देखिएका छन् । 

यता संवैधानिक राजसंस्था पुनर्स्थापनाका लागि भन्दै गर्न लागिएको राजावादीहरुको प्रदर्शनमा पनि १ लाख बढी मानिस सहभागी हुने अनुमान गरिएको राजावादी प्रदर्शनमा सक्रिय एक नेताले बताए । फागुन २५ गते पूर्वराजालाई विमानस्थलमा स्वागत गर्न आएको संख्यामा दोब्बर बनाउने प्रयास भइरहेका उनीहरुले बताए । 

समाजवादी मोर्चाले  प्रदर्शन गर्न लागेको जनाएको छ । यसैगरी राजावादीहरुले  प्रदर्शन गर्न लागिएको जनाएका छन् ।