राजावादी प्रदर्शन प्रकरणमा १ सय १० जना पक्राउ,दुर्गा प्रसाईलाई प्रहरीले भेटाएन

काठमाडौँ । शुक्रबार भएको राजावादीको प्रदर्शनका क्रममा हिंसात्मक गतिविधिमा संलग्न भएको आरोपमा १ सय १० जना पक्राउ परेका छन् । 

Watch On

२ जनाको ज्यान जानेगरि भएको प्रदर्शनका क्रममा तीनकुने क्षेत्रमा आगजनी देखि तोडफोड मच्चिएको थियो । त्यसक्रममा एक जना पत्रकारसहित २ जनाले ज्यान गुमाए भने ११० घाइते भएका थिए । आन्दोलनकारीहरले १४ ठाउँमा आगजनी गरेका थिए ।

 
सोहि घटनाको अनुुसन्धानका लागि १ सय १० जनालाई पक्राउ गरिएको प्रहरीले जनाएको छ । साथै सिसिटभी फुटेज र संचारमाध्यमा आएको भिडियो हेरेर थप अनुसन्धान भैरहेकाले पक्राउ पर्नेको संख्या बढ्न सक्ने प्रहरीले जनाएको छ। 
आन्दोलनमा अराजकता देखाएको आरोपमा धर्मगुरु पुष्कर खतिवडा पनि पक्राउ परेका छन् ।

यस अघि राप्रपाका वरिष्ठ उपाध्यक्ष रवीन्द्र मिश्र, महामन्त्री धवलशमशेर राणा, अधिवक्ता स्वागत नेपाल लगायत पक्राउ परिसकेका छन् । तर आन्दोलनका लागि पूर्वराजाले नै जनकमाण्डर तोकेका दुर्गा प्रसाई भने फरार भएका छन् । राजा फर्काउने आन्दोलनका संयोजक नवराज सुवेदी भने घरमै नजरबन्दमा छन् ।

प्रहरीको आतातायी शैलीमा प्रहरीलाई गाडीले पेलेरै पहिलो घेरा तोड्दै अघि बढेका थिए । त्यसपछि आन्दोलन झन् उग्र भएको थियो । त्यसपछि आन्दोलस्थलबाट भागेका दुर्गा प्रसाईलाई प्रहरीले २४ घण्टासम्म पनि भेटाउन सकेको छैन । 
पक्राउ परेकाहरु मध्ये आवश्यक अनुसन्धान गरेर केहिलाइ मुद्दा चलाउने तयारी भैरहेको प्रहरीले जनाएको छ ।