पूर्वराजालाई बालेनले तिराए जरिवाना, ७ लाख ९३ हजारको बिल निर्मल निवास पठाइयो(सबै पत्रसहित )

काठमाडौँ । तीनकुने क्षेत्रमा सार्वजनिक सम्पत्तीमा क्षति पुर्याएको भन्दै काठमाडौँ महानपालिकाले पूर्वराजा ज्ञानेन्द्र शाहलाई जरिवान तिर्न ८ वटा पत्र पठाएको छ ।  

 शुक्रबारको प्रदर्शनका क्रममा तीनकुने, कोटेश्वर लगायतका क्षेत्रमा सार्वजनिक संरचना जलाएको, भत्काएको तथा महानगरको दमकलमा ढुंगामुडा गरेको लगायतको क्षतिको मूल्याङकन गरि ८ वटा फरक-फरक पत्रमा जरिवाना रकम उल्लेख गरि   ७ लाख ९३ हजारको बिल निर्मल निवास पठाएको महानगर स्रोतले जनाएको छ । 

महानगरले वडा न ३२ कोटेश्वर तथा तीनकुने क्षेत्रको सडक तथा पेटीमा जथाभावी फोहोरमैली गरि वातावरण प्रदुषण गरेकाले ज्ञानेन्द्र शाहलाई १/१ लाख रुपैयाँ जरिवाना गरेको जनाएको छ । यस्तै दमकल र अग्निनियन्त्रकहरुमाथि ढुंगामुडा गरि क्षति पु¥याएकोमा १ लाख ३० हजार रुपैयाँ जरिवाना गरेको छ । 
यस्तै तीनकुनेमै वातावरण प्रदुषण गरेकाले थप १ लाख जरिवानाको पत्र निर्मल निवास पठाइएको छ ।  यस्तै बालकुमारी र जडिबुटी सडक क्षेत्रमा फोहोरमैलागरि वातावरण प्रदुषण गराएको भन्दै १/१ लाख जरिवाना गरिएको छ । 

साथै तीनकुने क्षेत्रमा रहेको रुख बिरुवा, रेलिङ भत्काउने तोडफोड गरेबापत्त ४० हजार र आइल्याण्डमा तोडफोड गरेबापत २३ हजार रुपैयाँ जरिवाना तोेकेको छ । 

कुन शीर्षकमा कति जरिवाना ?

1. कोटेश्वरको सडक तथा सडकपेटीमा जथाभावी फोहोर - रु १ लाख
2. महादेवस्थानको सडक तथा सडकपेटीमा जथाभावी फोहोर- रु १ लाख
3. तीनकुनेको सडक तथा सडकपेटीमा जथाभावी फोहोर- रु १ लाख
4. जडीबुटीको सडक तथा सडकपेटीमा जथाभावी फोहोर- रु १ लाख
5. बालकुमारीको सडक तथा सडकपेटीमा जथाभावी फोहोर- रु १ लाख
6. सिनामंगलको सडक तथा सडकपेटीमा जथाभावी फोहोर- रु १ लाख
7. दमकल तोडफोड- रु १ लाख ३० हजार
8. तीनकुनेमा रुख, बिरुवा, रेलिङ तोडफोड- रु ६३ हजार

सबै ८ वटै पत्र आइतबार कार्यालय समयमा निर्मल निवास पठाइने महानगरले जनाएको छ ।