समाज

पूर्वराजालाई जरिवाना तोक्ने निर्णय फिर्ता लिन बालेनलाई कमल थापाको आग्रह

सिधाकुरा

शनिबार, चैत १६, २०८१

पूर्वराजालाई जरिवाना तोक्ने निर्णय फिर्ता लिन बालेनलाई कमल थापाको आग्रह

काठमाडौं । काठमाडौँ महानगरपालिकाले शुक्रबारको प्रदर्शनका क्रममा क्षति पुर्याएको भन्दै पूर्वराजा ज्ञानेन्द्र शाहलाई जरिवाना तोकपछि राप्रपा नेपालका अध्यक्ष कमल थापाले आपत्ति जनाएका छन् ।
प्रदर्शनमा उग्र हुँदा आगजनी तोडफोड देखि २ जनाको ज्यानै गएको थियो ।

Watch On

महानगरको क्षेत्राधिकार भित्र पर्ने क्षतिको मूल्यांकन गरेर महानगरले पूर्वराजा ज्ञानेन्द्रलाई विभिन्न शीर्षकमा ७ लाख ९३ हजार जरिवाना तोकेको छ ।

यस विषयमा टिप्पणी गर्दै कमल थापाले भनेका छन्, ‘तीनकुनेमा चैत १५ गते भएको कार्यक्रमलाई लिएर राजा ज्ञानेन्द्रलाई जरिवाना गर्ने काठमाडौं महानगरपालिकाको निर्णय हास्यास्पद छ । ‘गलत ठेगानामा पठाइएको पत्र’ जस्तो स्टन्ट भयो । मेयर बालेन शाहबाट यस्तो त्रुटि कसरी भयो होला ? म अलमलमा छु ।’

उनले संयुक्त जनआन्दोलन समिति र नागरिक बचाउ अभियानले जिल्ला प्रशासनसँग स्वीकृति लिएर कार्यक्रम गरेको रेकर्ड हेर्न महानगरपालिकालाई आग्रह गरेका छन् ।

थापाले लेखेका छन्, ‘पत्रको भाषा पनि अशिष्ट र अमर्यादित छ । राजाको कुरा छोडिदिउँ, उहाँ पूर्वराष्ट्राध्यक्ष पनि हुन्छ भन्ने महानगरपालिकाले हेक्का राख्नुपर्ने थियो’, उनले भनेका छन्, ‘पत्र फिर्ता लिनु बुद्धिमानी हुनेछ ।’

प्रकाशित मिति: शनिबार, चैत १६, २०८१

प्रतिक्रिया दिनुहोस्