समाज

रविन्द्र मिश्र सहित १ सय १३ जनालाई अदालत पेस गरिदै,'राज्यविरुद्धको अपराध कसुर'मा म्याद थपको तयारी

सिधाकुरा

आइतबार, चैत १७, २०८१

रविन्द्र मिश्र सहित १ सय १३ जनालाई अदालत पेस गरिदै,'राज्यविरुद्धको अपराध कसुर'मा म्याद थपको तयारी

काठमाडौँ । राप्रपाका उपाध्यक्ष रवीन्द्र मिश्र सहित ९ जनलाई आज म्याद थपका लागि अदालत पेस गरिने भएको छ ।

Watch On

शुक्रबार तीनकुने क्षेत्रमा भएको प्रदर्शनका क्रममा हिंसा भड्काएको आरोपमा पक्राउ परेका उपाध्यक्ष मिश्र सहित राप्रपाका महामन्त्री धवलशमशेर राणा, ‘राजसंस्था पुनस्र्थापनाका लागि संयुक्त जनआन्दोलन समिति’ का प्रवक्ता स्वागत नेपाल, शाही युवा शक्ति नेपालका अध्यक्ष पशुपति खड्का, धर्मगुरु पुष्कर खतिवडा लगायत ९ जनाविरुद्ध ‘राज्यविरुद्धको अपराध कसुर’मा म्याद थपका लागि पेश अदालत पेश गरिने जिल्ला प्रहरी परिसर काठमाडौँले जनाएको छ।

प्रहरीले उनीहरुलाई आन्दोलन भड्काउन मुख्य भूमिकाा खेलेको आरोप लगाएको छ ।

प्रहरीका अनुसार उनीहरुविरुद्ध ‘राज्यविरुद्धको अपराध कसुर’ सँगै ज्यान मार्ने उद्योग, आपराधिक उपद्रव, आगजनी, संगठित अपराध, ज्यान सम्बन्धी कसुर, आगजनी जस्ता मुद्दामा पनि जोड्न खोजिएको छ ।

शुक्रबारको घटनामा प्रहरीले हालसम्म पक्राउ परेको ११३ जनालाई आवश्यक स्क्रिनिङपछि संलग्नताको आधारमा आगजनी, संगठित अपराध, ज्यान सम्बन्धी कसुर, आगजनीलगायतका मुद्दा चलाउने तयारी गरेको छ।
आन्दोलनका जनकमाण्डर दुर्गा प्रसाई भने फरार छन् ।

प्रकाशित मिति: आइतबार, चैत १७, २०८१

प्रतिक्रिया दिनुहोस्