समाज

दिपकराज गिरि भन्छन्ः 'म शेरबहादुर, केपी ओली र प्रचण्डलाईनै राजा मानेको राजावादी हुँ'

सिधाकुरा

आइतबार, चैत १७, २०८१

दिपकराज गिरि भन्छन्ः 'म शेरबहादुर, केपी ओली र प्रचण्डलाईनै राजा मानेको राजावादी हुँ'

काठमाडौँ । कलाकार दीपकराज गिरिले आफूलाई राजावादीको सूचीमा राखेर विज्ञप्ति निकालेकोमा असन्तुष्टि व्यक्त गरेका छन् । साथै आफूलाई राजावादी भन्नेहरुलाई आफूले नेताहरुलाई नै राजा मानेको व्यङ्ग्यात्मक प्रतिक्रिया दिएका छन् ।

Watch On

उनले राजावादी आन्दोलनको ठिक एक दिन अघि एउटा बौद्धिक भेला हुँदैछ जसले हाल देखिएको राजनीति धुर्बिकरणको बारेमा छलफल गर्नेछ, तपाइको बिचार के छ राख्नु होला भनी बोलाएर आफूलाई राजावादीको सूचीमा राखेकोमा असन्तुष्टि जनाएका छन् ।

सामाजिक सञ्जालमा उनले लेखेका छन्,' २०४६ सालको आन्दोलनमा राजाको पक्षमा लागेर के के उपद्रो गरियो यहाँ उल्लेख नगरौँ! मेरो राजावादी यात्रा ठोस रूपमा सुरु २०४६ पछि सुरु भएको हो ! मुलुकमा प्रजातन्त्र स्थापना पछि राजनीति गर्ने रहर जागेर आयो, कुन बिचार र दललाई अंगालौ भनेर अध्ययन गरियो र अन्त्यमा अहिलेका चर्चित शेर बहादुर राजाुको पार्टी रोजियो ।'

उनी थप लेख्छन्– 'त्यसपछि २०६२/६३ आयो , त्यतिबेला मूलक नै संकटमा परेको आभास भयो र प्रचण्ड राजाको क्रान्तिकारी तेज बाट प्रभावित पनि भइयो र उनी लगायतका नेताहरूको आव्हानलाई साथ दिइयो र तत्कालीन राजसत्ता बिरूद्द लेखियो, बोलियो, हिँडियो पनि ११ त्यति बेला फेरी एकपल्ट राजावादी भइयो!'

प्रकाशित मिति: आइतबार, चैत १७, २०८१

प्रतिक्रिया दिनुहोस्