समाज

रविन्द्र मिश्रलाई हतकडी लगाएर म्याद थपका लागि अदालत लगियो

सिधाकुरा

आइतबार, चैत १७, २०८१

रविन्द्र मिश्रलाई हतकडी लगाएर म्याद थपका लागि अदालत लगियो

काठमाडौँ । राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रलाई म्याद थपको लागि अदालत उपस्थित गराइएको छ । उनलाई प्रहरीले हतकडी लगाएर अदालत उपस्थित गराएको हो ।

Watch On

शुक्रबार राजावादीहरु तीनकुनेमा गरेको प्रदर्शन हिंसातमब बनेपछि उनलाई शुक्रबार राति नै प्रहरीले पक्राउ गरेको हो । उक्त प्रदर्शनमा मिश्र पनि सहभागी थिए । उनले प्रदर्शन भड्किसकेपछि पनि यो सुरुवात मात्रै भएको अभिव्यक्ति दिएका थिए ।

उनलाई उक्त प्रदर्शनपछि भएको तोडफोड, आगजनी र लुटपाटका घटनामा जिम्मेवार रहेको भन्दै पक्राउ गरिएको थियो । उनीसँगै धवलशम्सेर जबरालाई पनि म्याद थपका लागि अदालत लगिएको छ ।
प्रहरीले उक्त घटनामा संलग्न रहेको आरोपका १ सय ११ जनालाई पक्राउ गरेको छ ।

राजसंस्था पुर्नस्थापनाको माग गर्दै शुक्रबार पूर्वराजा समर्थकहरुले गरेको प्रदर्शन उग्र बन्दा २ जनाको मृत्यु र ११० जना घाइते भएका छन् भने १४ वटा आगजनीका घटना भएका छन् । काठमाडौं प्रहरीका अनुसार ९ वटा सरकारी गाडी, सरकारी र निजी ६ वटा गरी जम्मा १५ सवारीसाधनमा क्षति भएको छ।

प्रदर्शनका क्रममा ५३ नेपाल प्रहरी र २२ सशस्त्र प्रहरी पनि घाइते छन्। उता प्रदर्शनकारीतर्फ ३५ जना घाइते भएको प्रहरीले उल्लेख गरेको छ।