राजेन्द्र लिङ्देनको प्रश्नः सविन महर्जन हिँडिरहेको बेलामा गोली किन हानियो ? छतबाट मञ्चमा अश्रु ग्यास किन बर्साइयो ? 

काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राजा हटाएर देशमा लोकतन्त्रको नाममा लुटतन्त्र मच्चाएको आरोप लगाएका छन् । 

Watch On

सोमबार प्रतिनिधिसभाको बिशेष समयमा लिङ्देनले गणतन्त्रमा पुगेपछि मुलुक कस्तो अवस्थामा छ भन्ने जनताले राम्रोसंग हेरेको भन्दै राजा हटाएर देशमा लोकतन्त्रको नाममा लुटतन्त्र मच्चाएको आरोप लगाएका हुन् । 

उनले व्यवहारमा सुधार नगरेसम्म गणतन्त्रको विरोध मात्रै नभइ जनताले व्यवस्था उल्टाउने तर्क गरे । लिङ्देनले १५ गतेको घटनालाई राज्यले नियन्त्रणमा लिन नसकेको र उल्टै नागरिकमाथि सरकारले दमन गरेको आरोप लगाए । ‘चैत १५ गते आन्दोलनकारीले मात्रै ज्यादती गरेको हो ? त्यो निणन्त्रण गर्ने जिम्मा सरकारको होइन ? तपाईँ कांग्रेस, एमाले भन्नेहरू सरकारमा बसेर भजन गाउँदै, मादल बजाउँदै आइपुगेको हो ? तपाईँहरू तोडफोड नगरी, मान्छे नमारी आएको हो ? सविन महर्जन हिँडिरहेको बेलामा गोली किन हानियो ? छतमाथि बसेर म्याद सकिएको अश्रु ग्यास मञ्चमा किन बर्साइयो ? किन गोली हानियो त्यसको जवाफ चाहिन्छ ।’ लिङ्दनले भने । 

हरेक आन्दोलनमा युवाहरूको योगदान रहने भन्दै युवाशक्तिलाई नहोच्याउन उहाले चेतावनी दिए । त्यस्तै अध्यक्ष लिङ्देनले शुक्रबार भएको घटनाको निष्पक्ष छानविनका लागि न्यायीक आयोग गठन हुनुपर्ने माग गरे ।