ज्ञानेन्द्र शाहले निर्मल निवासबाट लफङ्गाहरुलाई माला लगाएर जनाताको घर जलाउन पठाएः योगेश भट्टराई

काठमाडौँ । नेकपा एमालेका सांसद योगेश भट्टराईले पूर्वराजालाई राज्यले दिएको सम्मान भंग भएकाले सुविधा कटौती गर्नुपर्ने बताएका छन् । 

Watch On

सोमबार प्रतिनिधिसभा बैठकमा भट्टराईले पूर्वराष्ट्राध्यक्षका रूपमा राज्यले सेवा सम्मान दिएर राखेको अवस्थामा निर्मल निवासमा बसेर पूर्वराजाले सम्झौता भंग गरेको भन्दै सेवा सुविधा कटौती गर्नुपर्ने बताएका हुन् । भट्टराईले लफंगाहरूलाई जनकमान्डर बनाएर तीनकुनेमा ताण्डव नृत्य गर्न लगाएको टिप्पणी समेत गर्नुभयो । उहाले जनताले फ्याकेको राजतन्त्र कसैको रहरले नआउने उल्लेख गरे । पृथ्वीनारायण शाह राष्ट्रको नायक भएकाले सवैले मानेको भन्दै उनले राजाहरुले देशको सीमा रक्षाका लागि के गरे भन्दै प्रश्न गरे । 

राजतन्त्रको छिनोफानो इतिहासले अव कुनै व्यवस्थाको खोजि गर्न आवश्यक नरहेको  उनले बताए । उनले गणतन्त्रको रक्षाका लागि सवै दलहरु एक ठाँउ भएको उल्लेख गरे । 

‘यो सरकारले तपाईँलाई सेवा सुविधा देको हो । त्यो सम्झौता पनि ज्ञानेन्द्र शाहले निर्मल निवासमा बसेर भंग गरेका छन् । अज म संसदमार्फत प्रश्न गर्न चाहन्छु, सम्झौता भंग भएपछि उहाँलाई दिएको सेवा सुविधा कायम हुन्छ कि हुँदैन ? म सरमारलाई सोध्न चाहन्छु । उहाँले समझौता भंग गर्नुभयो । उहाँले लफङ्गाहरुलाई जनकमान्डर बनाएर तीनकुने ताण्डव नृत्य नचाउन पठाउनुभो । म दश पटक भन्छु यो शब्द । निर्मल निवासबाट लफङ्गाहरुलाई माला लगाएर जनाताको घर जलाउन पठाउनुभो । तपाईँको सम्झौता भंग भयो । त्यसकारण म भन्न चाहन्छु, तपाईँमाथिको सेवासुविधा अब के हुन्छ ?’ भट्टराईले प्रश्न गरे ।