समाज

अब अमेरिका जान भिसा आवेदन दिनेहरुको सामाजिक संजाल चेकजाँच हुने

सिधाकुरा

बुधबार, चैत २०, २०८१

अब अमेरिका जान भिसा आवेदन दिनेहरुको सामाजिक संजाल चेकजाँच हुने

काठमाडौं । अमेरिकाले अब विद्यार्थी भिसा आवेदक र अन्य भिसा आवेदकहरूको सामाजिक सञ्जाल एकाउन्ट चेकजाँच गर्ने भएको छ । द न्यूयोर्क टाइम्सका अनुसार अमेरिका र इजरायलको आलोचना गरेका व्यक्तिलाई अमेरिका प्रवेशमा रोक्ने उदेश्यले
अमेरिकी विदेशमन्त्री मार्को रुबियोले आवेदकको सामाजिक सञ्जाल चेक गर्न निर्देशन दिएका छन् ।

Watch On

यसका लागि विदेशमन्त्री रुबियोले मार्च २५ मा पत्र पठाएर सम्बन्धित देशमा रहेका अमेरिकि दुतावास तथा राजदूतहरुलाई निर्देशन गरिएको छ ।

विदेश मन्त्रीको निर्देशनबारे जानकार दुई अमेरिकी अधिकारीहरूका अनुसार सम्बन्धित देशका कन्सुलर अधिकारीहरूलाई तत्काल निर्देशन कार्यान्वयन गर्न भनिएको द न्यूयोर्क टाइम्सले उल्लेख गरेकोछ । विद्यार्थी र एक्सचेन्ज भिसा आवेदकहरूलाई अपराध रोकथाम एकाइमा पठाएर अनिवार्यरूपमा सामाजिक सञ्जाल खाताहरू जाँच गराउनु भन्ने निर्देशन दिइएको छ ।

विदेशमन्त्री रुबियोको यो कदम राष्ट्रपति डोनाल्ड ट्रम्पले केही विदेशी नागरिकहरू विशेष गरी अमेरिकी नागरिक, संस्कृति, सरकार, संस्था वा स्थापित सिद्धान्तप्रति आलोचना गर्नेहरूलाई निकाल्ने अभियान सुरु गर्ने सम्बन्धमा जारी गरिएको एक कार्यकारी आदेशमा हस्ताक्षर गरेको लगभग नौ हप्ता पछि आएको हो ।

प्रकाशित मिति: बुधबार, चैत २०, २०८१

प्रतिक्रिया दिनुहोस्