समाज

राजावादीको लुटपाटविरुद्ध प्रतिकारमा उत्रिएका ४ सुरक्षा गार्डलाई भाटभटेनीले गर्यो नगदसहित सम्मान

सिधाकुरा

बुधबार, चैत २०, २०८१

राजावादीको लुटपाटविरुद्ध प्रतिकारमा उत्रिएका ४ सुरक्षा गार्डलाई भाटभटेनीले गर्यो नगदसहित सम्मान

काठमाडौँ । शुक्रबार काठमाडौँको तीनकुने, कोटेश्वर क्षेत्र राजावादीको प्रदर्शनका कारण रणमैदान बन्यो । उनीहरुले तीनकुने मात्रै हैन काठमाडौँका विभिन्न स्थानका संरचनाहरु तोडफोड समेत गरे ।

सोही क्रममा प्रदर्शनकारी कोटेश्वरस्थित भाटभटेनी तोडफोड गर्न पुगे । भाटभटेनी तोडफोड र लुटपाट गर्न थालेपछि त्यहाँका कर्मचारी र ग्राहकहरु भागदौडमा लागे । सोही समयमा त्यहीँ कार्यरत एक सुरक्षा गार्डले भने उनीहरुविरुद्ध शसक्त प्रतिकार गरे । जसको भिडियो सामाजिक सञ्जालमा भाइरल भइरहेको छ भने उनको सहासको चौतर्फी प्रशंसा भइरहेको छ ।

प्रदर्शनकारीविरुद्ध प्रतिकार गर्ने ती सुुरक्षा गार्ड थिए, कृष्णप्रसाद पराजुली । उनै पराजुलीको सहासको प्रशंसा गर्दै भाटभटेनी सुपरमार्केटले उनलाई ५ लाख १ हजार १११ रुपैयाँ पुरस्कारसहित सम्मान गरेको छ।

बुधबार एक कार्यक्रम आयोजना गरेर भाटभटेनीले उनलाई सम्मान गरेको हो । त्यस्तै त्यहीँ कार्यरत अर्का एक गार्ड पनि सम्मानित भएका छन् । उनलाई भाटभटेनीले ५१ हजार रुपैयाँ सहित सम्मान गरेको छ । त्यस्तै डिउटीमै रहेका अन्य २ जना सुरक्षा गार्डलाई समेत भाटभटेनीले २५ हजारका दरले सम्मान गरेको छ ।

प्रकाशित मिति: बुधबार, चैत २०, २०८१

प्रतिक्रिया दिनुहोस्