समाज

तीनकुने घटनाबारे कानुन, न्याय तथा मानव अधिकार समितिले गृहमन्त्रीसँग जानकारी लिने

सिधाकुरा

बिहीबार, चैत २१, २०८१

तीनकुने घटनाबारे कानुन, न्याय तथा मानव अधिकार समितिले गृहमन्त्रीसँग जानकारी लिने

काठमाडौँ । प्रतिनिधिसभा अन्तर्गतको कानुन, न्याय तथा मानव अधिकार समितिले चैत १५ गते काठमाडौँको तीनकुने लगाएतका क्षेत्रमा भएको घटनाका बिषयमा गृहमन्त्रीसंग जानकारी लिने भएको छ ।

Watch On

सिंहदरबारमा बिहीबार बसेको बैठकमा सांसदहरुले उक्त घटनामा गम्भीर मानवअधिकार उलंघन भएको भन्दै गृहमन्त्रीको जवाफ माग गरेपनि समितिले गृहमन्त्रीसंग जानकारी लिने निर्णय गरेको हो ।

समिति सभापति बिमला सुवेदीले चैत १५ गते राजावादीले गरेको प्रदर्शनका क्रममा दुई जनाको मृत्यु, धेरै घाइतेका साथै ठूलोजनधनको क्षति भएकाले यस बिषयमा गृहमन्त्रीसंग जानकारी लिने निर्णय भएको बताए ।

उनले उक्त घटनामा नेपालको संविधानको प्रस्तावनामा रहेको सम्पतीको हक एवं मानवअधिकारको विश्वव्यापी घोषणापत्र लगाएत अन्तराष्ट्रिय कानूनहरुले प्रदान गरेको नागरिकको अधिकारमा समेत गम्भीर आघात पुग्न गएको देखिएको उल्लेख गरे ।

बैठकमा समिति सदस्यहरुले तीनकुने घटनाको सत्यतथ्य छानविन हुनुपर्ने माग गरेका थिए । त्यस्तै बैठकले केहि नेपाल ऐनलाई संशोधन गर्न बनेको विधेयकसम्बन्धी मस्यौदा प्रतिवेदनलाई संशोधन सहित पारित गरिएको समिति सभापति सुवेदीले जानकारी दिए ।

प्रकाशित मिति: बिहीबार, चैत २१, २०८१

प्रतिक्रिया दिनुहोस्