तीनकुने घटनाबारे प्रधानमन्त्री ओलीः ‘न्यायिक छानबिन नहुन पनि सक्छ, निष्पक्ष छानबिन  हुन्छ’ 

प्रधानमन्त्री केपी शर्मा ओली थाइल्याण्डको औपचारिक भ्रमण बिम्स्टेक शिखर सम्मेलनमा भाग लिइ स्वदेश फर्किएका छन् । स्वदेश फर्किएपछि त्रिभुवन बिमानस्थलमा पत्रकार सम्मेलन गर्दै प्रधानमन्त्री ओलीले आफ्नो भ्रमण सफल भएको बताए । 

Watch On

भ्रमणका क्रममा भारतीय प्रधानमन्त्री नरेन्द्र मोदी लगाएतसंग महत्वपूर्ण साईडलाइन छलफल भएको उनले जानकारी दिए । भारतीय प्रधानमन्त्रीसंगको भेटमा नेपाल भारत सम्बन्धलाई अझ व्यापक र सुदृढ गर्दै लाने र कुनै समस्या देखिए सम्वादमार्फत समाधान गर्ने समझदारी भएको उनले उल्लेख गरे । प्रधानमन्त्री ओलीले भारतीय प्रधानमन्त्रीको पूर्वनिर्धारित कार्यक्रम तय भएकाले सगरमाथा संवादमा सहभागी नहुने जानकारी प्राप्त भएको उल्लेख गरे । 

त्यस्तै सञ्चारकर्मीको प्रश्नमा प्रधानमन्त्री ओलीले चैत्र १५ गते तीनकुनेमा भएको घटनाको निष्पक्ष छानविन हुने स्पष्ट पारे । ओलीले भने,  ‘न्यायिक छानबिन नहुन पनि सक्छ, हुन पनि सक्छ । तर, छानबिन निष्पक्ष हुन्छ । सबै कुरामा न्यायिक छानबिन नै हुनुपर्छ भन्ने छैन । त्यो हामी विचार गर्छौं । निष्पक्ष छानबिन गर्ने कि न्यायिक छानबिन गर्ने भनेर ।’

उनले शिक्षकहरुको जायज मागलाई सरकारले सम्बोधन गर्ने भन्दै सरकारमाथि विश्वास गरेर नै शिक्षकहरु प्रदर्शनमा आएको टिप्पणी गगरे । 

थाइल्याण्डका प्रधानमन्त्री पे थोङ् थान् शिनावातको मैत्रीपूर्ण निमन्त्रणामा २१ सदस्यीय प्रतिनिधिमण्डलको नेतृत्व गर्दै प्रधानमन्त्री ओली यही चैत १९ गते त्यसतर्फ प्रस्थान गर्नुभएको थियो । प्रधानमन्त्री ओली यही चैत २२ गते बिम्स्टेक शिखर सम्मेलनमा सम्बोधन समेत गर्नुभएको थियो ।