३५ वर्षसम्म देश लुटेका भ्रष्टहरुलाई पाता कसेर जेलमा हालेर जेलैभित्र दश दान र बैतर्नी गर्ने इच्छा छः हरि ढकाल

काठमाडौँ । राष्ट्रिय स्वतन्त्र पार्टीका नेता तथा चितवनबाट निर्वाचित सांसद हरि ढकालले रवि लामिछानेको इच्छाबारे बताएका छन् । उनले भ्रष्टहरुलाई पाता कसेर जेलमा हालेर जेलैभित्र दश दान र बैतर्नी गर्न मन भएको बताएका छन् । चितवनमा आज शुभारम्भ गरिएको ‘जनयात्रा कार्यक्रलाई सम्बोधन गर्दै उनले यस्तो बताएका हुन् । 

सांसद ढकालले भने, 
जुन शैलीमा प्रहरी परिचालन गरियो, गुनदगर्दी शैली थियो । जुन शैलीसँग अन्तिम इच्चा के छ भनेर सोधियो, म चितवनबाट भन्न चाहन्छु अन्तिम इच्छा के छ । यो देशमा किसानको मुहारमा हाँसो ल्याउने अन्तिम इच्छा छ । यो देशको युवा पलायन रोकेर रोजगारी सिर्जना गर्ने अन्तिम इच्छा छ । यो देशमा दलीयकरण र भ्रष्टाचारविरुद्ध सशक्त आवाज बोकेर विधिको शासन स्थापना गर्ने अन्तिम इच्छा छ । यो देश ३५ वर्षसम्म लुटेका भ्रष्टहरुलाई, भ्रष्ट भनेपछि ठ्याक्नै बुझ्छन् हामीलाई गाली ग¥यो भन्छन्, ति भ्रष्टहरुलाई पाता कसेर जेलमा हालेर जेलैभित्र दश दान र बैतर्नी गर्न मन छ । भ्रष्टहरु आज एउटा व्यक्तिको पछाडी जसरी लागेका छौ नी, त्यो व्यक्तिको मुटुमा रगत होइन तेजाव छ । त्यो तेजावले तिम्लाई जलाउँछ । तिम्लाई गलाउँछ । 

शुक्रबार रवि लामिछानेलाई पक्राउ गर्न मध्यराति बेडरुममा घुसेका प्रहरीले अन्तिम इच्छा सोधेको भन्दै चर्को विरोध भईहरेको छ । सोही सन्दर्भमा सांसद ढकालले यस्तो इच्छा भएको बताएका हुन् ।