राप्रपा नेतृ कुन्तीको चेतावनीः गणतन्त्रवादीहरु कि देश छोडेर भाग कि आत्मसमपर्ण गर

काठमाडौं । राष्ट्रिय प्रजातन्त्र पार्टी (राप्रपा) की केन्द्रिय सदस्य कुन्ती पोखरेलले गणतन्त्रवादीहरुलाई देश छोडेर भाग्न वा आत्मसमर्पण गर्न चेतावनी दिएकी छन । बल्खुमा आयोजित राप्रपाको आमसभामा बोल्दै पोखरेलले यस्तो चेतावनी दिएकी हुन् । 
उनले भनिन्, 'एउटा कुरा भन्न चाहन्छु । गणतन्त्र भनिने लुटतन्त्रेहरुले के गरे हाम्रो देशमा थाहा छ रु भएका सबै कलकारखाना बन्द गरे । हाम्रा युवाले दुई छाक खाने ठाउँ बन्द गरेर एउटा कारखाना चलाएका छन । त्यो के कारखाना हो थाहा छ रु भ्रष्टाचारी जन्माउने कारखाना । ए लुटतन्त्रेहरु, आजै तिमीहरु भागिहाल, कि घरबाटै थुतेर हाम्रा राष्ट्रवादी साथीहरुले कुट्नेछन । कि देश छोडेर भाग कि राष्ट्रवादी साथिहरुको अगाडि आत्मसमर्पण गर । नत्र खैरियत छैन । सात गतेबाट सडक तताउँ । यिनीहरुको दानापानी बन्द गरौं '।

Watch On

उनले हिरासतमा रहेको राप्रपाका उपाध्यक्ष रविन्द्र मिश्र र महामन्त्री धवलसम्मेर राणालाई रिहा नगरे बैशाख ७ गते देखि सडकबाट आन्दोलन चर्काउने चेतावनी दिइन् । उनले भनिन्, 'आज हाम्रो रगत तातेको छ । हाम्रा नेतागणहरुलाई थुनेर राखेका छन । उहाँहरुलाई तुरुन्तै, आजै रिहा गर भन्न चाहन्छु । यो आज हाम्रो सुरुवात हो । अब ७ गतेदेखि खाना पनि यहीँ पकाएर खान्छौं, यहाँबाट चल्दैनों । राजसंस्था नभएसम्म हामी सडकमै हुन्छौं '।