समाज

प्रधानमन्त्री ओलीले दोहोर्याए, ‘सुशासन र समृद्धिको यात्रामा कुनै सम्झौता हुँदैन’

सिधाकुरा

बुधबार, चैत २७, २०८१

प्रधानमन्त्री ओलीले दोहोर्याए, ‘सुशासन र समृद्धिको यात्रामा कुनै सम्झौता हुँदैन’

काठमाडौँ । प्रधानमन्त्री केपी शर्मा ओलीले सुशासन र समृद्धिको यात्रामा कुनै सम्झौता नहुने बताएका छन् । प्रधानमन्त्री रहँदा र नरहँदासमेत सो नारा बारम्बार भन्ने ओलीले बुधबार भएको नेपाल चेम्बर अफ कमर्शको कार्यक्रममा समेत दोहोर्याएका हुन् ।

Watch On

नेपाल चेम्बर अफ कमर्शको ७४ औं वार्षिक साधारणसभाको बुधबार काठमाडौँमा उद्घाटन गर्दै प्रधानमन्त्री ओलीले मुलुकमा सुशासन र बिकास तथा समृद्धि चाहिएको भन्दै यस बिषयमा कुनै सम्झौता नहुने बताएका हुन् । उनले आफु भ्रष्टाचारको विरोधी रहेपनि भ्रष्टाचार भइरहेको आफुलाई आशंका लागेको बताए । देशलाई बिकासका बाटोमा अघि बढाउनका लागि अनुकुल वातावरण बनेको र स्थायीत्व र स्थीरतातर्फ मुलुक अघि बढेको उनले बताए ।

प्रधानमन्त्री ओलीले कम्तिमा पनि ८४ सालसम्म मुलुकमा स्थायीत्व र स्थीरता हुने र त्यसपछि पनि यो शिलशिला कायम रहने भएकाले ढुक्क भएर लगानी गर्न आग्रह गरे । प्रधानमन्त्री ओलीले बाह्य लगानी भित्राउने, संयुक्त पूँजीमा काम गर्ने अवस्था सिर्जना गर्ने काममा निजी क्षेत्रको भूमिका महत्वपूर्ण रहेको धारणा राखे ।

प्रधानमन्त्री ओलीले सरकार मजदुर, किसान, श्रमजिवि, शिक्षक, प्राध्यापक लगाएत सवैको साथमा रहेको र सवैको भलाईका लागि काम गर्न चाहेको बताए ।

प्रकाशित मिति: बुधबार, चैत २७, २०८१

प्रतिक्रिया दिनुहोस्