समाज

नेपालगञ्ज यातायातमा सेटिङमा सवारी लाइसेन्स, मासिक उठाउँथे ३ करोड बढी

सिधाकुरा

बुधबार, चैत २७, २०८१

नेपालगञ्ज यातायातमा सेटिङमा सवारी लाइसेन्स, मासिक उठाउँथे ३ करोड बढी

नेपालगञ्ज । यातायात व्यवस्था कार्यालय नेपालगञ्जबाट करोडौं रकम असुल्दै सेटिङमा सवारी लाइसेन्स वितरण हुने गरेको रहस्य खुलेको छ । यातायात कार्यालयका कर्मचारीले सेटिङमा सवारी लाइसेन्स वितरण गरेरै मासिक ३ करोडभन्दा बढी रकम उठाएको खुलेको हो ।
बुधबार अख्तियार दुरुपयोग अनुसन्धान आयोगको टोलीले यातायात कार्यालयका कर्मचारीसहित ४ जनालाई पक्राउ गरेपछि सेटिङमा सवारी लाइसेन्स बनाउने हब नेपालगञ्ज रहेको देखिएको छ ।

Watch On

आयोगका प्रवक्ता राजेन्द्र कुमार पौडेलका अनुसार नक्कली सवारी लाइसेन्स वितरण गरी मासिक ३ करोडभन्दा बढी रकम कलेक्सन गर्ने गरेको सूचना एवं उजुरीको आधारमा त्यहाँ टोली खटाइएको थियाे ।

पौडेलका अनुसार आयोगको कार्यालय, टंगाल र बुटवल साथै नेपालगञ्ज सम्पर्क कार्यालयको संयुक्त टोलीले यातायात व्यवस्था कार्यालय नेपालगञ्जमा कार्यरत कम्प्युटर अपरेटर शक्ति ठाकुर, ज्यालादारीका सहायक कम्प्युटर अपरेट मनोज गिरी, घरेलु तथा साना उद्योग कार्यालय नेपालगञ्ज, बाँकेका नासु मुकुन्दराज केसी र मामा भान्जा मोटर ड्राइभिङ सेन्टरका प्रोप्राइटर शरदकुमार गोराथोकीलाई नियन्त्रणमा लिइएको हो ।

साथै उनीहरूले प्रयोग गर्ने विद्युतीय उपकरण पनि बरामद गरी अनुसन्धान थालिएको आयोगले जनाएको छ ।

प्रकाशित मिति: बुधबार, चैत २७, २०८१

प्रतिक्रिया दिनुहोस्