झापा ल्याइसकेपछि प्रहरीले स्विकार्यो दुर्गा प्रसाईँको पक्राउ

काठमाडौँ । नेपाल प्रहरीले दुर्गा प्रसाईँ ‘औपचारिक’ रुपमा प्रकाउ परेको बताएको छ । नेपाल प्रहरी प्रमुखको सचिवालयले प्रसाईँ र उनका अंगरक्षकलाई पक्राउ गरेको बताएको छ ।

प्रहरी महानिरीक्षकको सचिवालयलको पत्रमा सार्वजनिक गरिएको प्रेस विज्ञप्तीमा नेपाल प्रहरीका केन्द्रिय प्रवक्ता दिनेश कुमार आचार्यले प्रसाईँ र उनका अगंरक्षक दिपक खड्कालाई झापाको भद्रपुरबाट नियन्त्रणमा लिइएको बताएका छन् । त्यस्तै उनले प्रहरीले दुवैजनालाई थप अनुसन्धानका लागि काठमाडौँ ल्याइँदै गरिएको समेत बताएका छन् ।

नेपाल प्रहरीले शुक्रबार मध्यान्ह मात्रै प्रसाईँको पक्राउबारे पुष्टि गरेपनि उनी बिहिबारदेखि नै प्रहरीको नियन्त्रणमा थिए । उनलाई नेपाल प्रहरीको विशेष ब्यूरो र भारतको आसाम प्रहरीले बिहिबार आसामबाटै पक्राउ गरेका थिए ।

प्रसाईँ प्रकाउबारे सञ्चारमाध्यममा समाचार आएपछि प्रहरी केन्द्रीय प्रवक्ता आयार्चले बिहिबार राति प्रसाईँ पक्राउ नगरिएको भन्दै विज्ञप्ती सार्वजनिक गरेका थिए । उनी भारतकै भुमिमा रहेका कारण भारतसँग सपुर्दगी सन्धी नभएका कारणले प्रहरीले उनको पक्राउ पुष्टि गरेको थिए । प्रसाईँलाई झापाको काँकडभिट्टा हुँदै नेपाल ल्याइएको हो । उनलाई बुद्ध एअरको विमानमार्फत काठमाडौँ ल्याइँदै छ ।

प्रसाई चैत १५ गतेको तीनुकने घटनापछि फरार थिए । यसबिचमा उनले दुई वटा भिडियो सार्वजनिक गर्दै आफू नेपालमा रहेको दाबी गरेपनि उनले भिडियो अपलोड गरेको आइपी टर्याक गर्दा भारतको आसाम देखिएपछि नेपाल प्रहरीको विशेष टोली भारत पुगेको थियो ।

भारतीय सुरक्षा अधिकारीहरुसँगको समन्वयमा उनी बसेको ठाउँ एकिन भएको प्रहरी स्रोत बताउँछ । पहिलो भिडियो रेकर्ड गरेकै घरमा भेटिएका प्रसाईलाई भारतीय सुरक्षाकर्मीको सहयोगमा नेपालको सीमासम्म ल्याइएको जनाइएको छ ।