मुख्य समाचार

'हामी नेपालमा राजाका पक्षमा छैनौँ भनेर आदित्यनाथले दूतावासमा भनेका होइनरहेछन्,म झुक्किए छु': देउवा

सिधाकुरा

शनिबार, चैत ३०, २०८१

'हामी नेपालमा राजाका पक्षमा छैनौँ भनेर आदित्यनाथले दूतावासमा भनेका होइनरहेछन्,म झुक्किए छु': देउवा

काठमाडौँ । नेपाली कांग्रेसका सभापति शेरबहादुर देउवाले भारत उत्तरप्रदेशका मुख्यमन्त्री योगी आदित्यनाथले आफू नेपालमा राजतन्त्र हुनुपर्छ भन्ने पक्षमा नरहेको दुतावासमा गएर नभनेको बताएका छन् ।

यसअघि आफूले गलत सूचनाका कारण मुख्यमन्त्री योगीले दिल्लीस्थित नेपाली दूतावासमै आएर बताएको भनी गल्ती बोल्न पुगेको भन्दै अभिव्यक्ति सच्याएका हुन्।

शनिबार काठमाडौँमा आयोजित एक कार्यक्रममा सभापति देउवाले उत्तर प्रदेशका मुख्यमन्त्री आदित्यनाथले दिल्लीस्थित नेपाली दूतावासमा नभई दिल्लीका लागि नेपाली राजदूत शंकरप्रसाद शर्मासँगको भेटमा बताएको पाइएको जानकारी गराएका हुन्।

उनले भने, ‘अस्ति मैले बोल्दा गलत सूचनाका आधारमा भारतका उत्तर प्रदेशका मुख्यमन्त्रीको विषयमा बोल्न पुगेछु। त्यसमा भन्न चाहन्छु, उहाँ दिल्लीको राजदूतावासमा आउनुभएको होइन, दिल्लीको राजदूतले उहाँलाई भेट्न जाँदा भएको कुरा हो’, ।‘हामी नेपालमा राजाको पक्षमा छैनौँ, यो बेकारको हल्ला हो, मेरो फोटो छापे पनि त्यो होइन भन्नुभएको हो। दूतावासमा आउनुभएको होइन। यो म खण्डन गर्न चाहन्छु’देउवाले भने ।

प्रकाशित मिति: शनिबार, चैत ३०, २०८१

प्रतिक्रिया दिनुहोस्