परिस्थिति यस्तो बन्दै छ कि यो सरकार धेरै अगाडि जान सहज छैनः प्रचण्ड

चितवन । नेकपा माओवादी केन्द्रका पुष्पकमल दाहाल प्रचण्डले नयाँ सरकार बन्ने दिशातर्फ देश अघि बढ्ने बताएका छन् । 

आइतबार चितवनमा भरतपुर बिमानस्थलमा सञ्चारकर्मीसंग कुरा गर्दै प्रचण्डले अहिले नयाँ घटनाक्रम विकसित भएकाले देश नयाँ सरकार बन्ने दिशातर्फ अघि बढ्ने  बताएका हुन् । उनले अहिलेको नयाँ अनुभवका आधारमा आफुले ठूलो दल काग्रेसको नेतृत्वमा सरकार बन्नुपर्ने धारणा राखेको स्पष्ट पारे ।

उनेल चौतर्फी रुपमा सरकारप्रति असन्तुष्टि र आवेग देखिएको र त्यसको असर सडकमा देखिएकाले नयाँ बर्षले केहि न केहि निकास लिएर आउने उल्लेख गरे । 

उनले भने, ‘सरकारति हाम्रो चाहीँ त्यती ध्यान छैन । तर परिस्थिति यस्तो बन्दै छ कि यो सरकार धेरै अगाडि जान सहज छैन भन्ने पनि देखिरहेको छ । त्यसकारण कुनै पनि संभावना हुनसक्छ । तपाईँहरुले देखिराख्नुभएकै छ, चौतर्फी असनतुष्टी, आक्रोस, आवेग जनतामा बढेको छ । सिक्षकहरु आन्दोलनमा छन् । सबैको समस्या समाधान हुनुपर्छ भन्ने छ । तर सरकारको ध्यान त्यसप्रति संवेदनशिल देखिएको छैन । डाक्टरहरु आन्दोलनमा, नर्सहरु आन्दोलनमा, लघुवित्त पीडिट, सहकारी पीडित, सबै राजनीतिक दलहरु पनि झण्डै झण्डै सडकमै छन् । सरकारमा भएकापनि अहित सडकमा आउन थाल्या छन् भनेपछि परिस्थिति निकै गम्भीर र पेचिलो बनेको छ । नयाँ वर्षले केही न केही निकास लिएर आउँछ भन्ने मलाई लाग्छ ।’

त्यस्तै प्रचण्डले २०८१ साल समग्रमा धेरै उत्साह र धेरै निराशा नभएको बताए । उनले राम्रा काम गर्न, राजनीतिक दलहरुलाई आत्मसमीक्षा गर्नका लागि, आत्मालोचना गर्नका लागि र जनता र राष्ट्रको आवश्यकता अनुसार अगाडि बढ्ने नयाँ संकल्प गर्नको लागि पुरानो वर्षले आधार दिएको उल्लेख गरे ।