वीरगंज झडपः दिनभरको वार्तापछि ५ बुँदे सर्वपक्षीय सहमती

वीरगंज । वीरगंजमा हनुमान जयन्तीको अवसरमा निकालिएको शोभायात्राको क्रममा भएको झडपबारे सर्वपक्षीय सहमति भएको छ । जिल्ला प्रशासन कार्यालय पर्सामा बसेको सर्वपक्षीय बैठकले पाँच बुँदे सहमति भएका हो । 

Watch On

यस्ता छन् ५ बुँदे सहमतिः 
१. उक्त घटनामा संलग्न दोषीहरूमाथि विस्तृत छानबिन÷अनुसन्धान गरी कानुनी कारबाही गर्ने

२. अन्तरधार्मिक/साम्प्रदायिक सद्भाव र सहिष्णुता कायम राख्‍न सबै पक्ष पूर्ण प्रतिवद्ध रही कानुनी कारबाहीको प्रक्रियामा सहयोग पुर्याउने ।

३. उक्त घटनामा घाइते भएका व्‍यक्तिहरूको निसशुल्क उपचारको व्‍यवस्था गर्ने । घटनाबाट भएको क्षतिपूर्तिका लागि प्रशासनले पहल गर्ने ।

४. धार्मिक, सांस्कृतिक सम्प्रदायले गर्ने कुनै पनि जात्रा, पर्व कार्यक्रममा हातहतियारको प्रदर्शन नगर्ने, सो गरेमा कारबाहीको दायरामा ल्याउने 

५. पर्सा जिल्लामा संचालित सबै धार्मिक संघसंस्था तथा तत्तत् संस्थाबाट संचालित विद्यालय/मदरसा इत्यादीको सुक्ष्म अनुगमन गरि अन्यथा देखिएमा कारबाहीको दायरामा ल्याउने ।

शनिबार वीरगंजमा हनुमान जयन्तीको अवसरमा निकालिएको शोभायात्राको क्रममा झडप हुँदा अवस्था असामान्य बनेको थियो । स्थिति नियन्त्रणबाहिर गएपछि जिल्ला प्रशासन कार्यालयले कर्फ्यु लगाएको थियो । 

शनिबार साँझ ७ः३० बजेदेखि आइतबार दिनको १२ बजेसम्मका लागि लगाएको कर्फ्यु १२ घण्टा लम्बाएर राति १२ बजेसम्म पुर्याएको छ ।